سبر القوافي

نص عاطفي

نص ( عاطفي )


 


الشعر .. أكبر من يأتي هكذا .. مع عاطف الحربي .. الشعر مع هذا الخاطف يأتي ..


محملاً .. بالماء ..  والعشب .. والثلج ..   عاطف .. هنا .. أقام تمثال شعرياً ..


يحتاج الناظر إليه .. وقفه مطوله لـ تأملات  هذه المنحوته الذهبيه النادره  ..


حروف .. ليست كأي حروف .. وقوافي .. ملأت الصفحه شعراً  … وحكايات … 


( عاطفيه ) غير قابله .. ( للرد ) ..   :


 


الحياة اغصان.. شف عاد انت كم لك غصنٍ اخضر


لو بقا بك شي من عمر وحكايات الطفولة


.


وجهك الليله يقربني من الانسـان اكثر 


حزنك الليله يحدثني عن الدمع وفصوله 


.


لو سكتّ ومارضيت تبوح عن مابك وتجهر 


ريحة الذكرى تفوووح بكل ماودي تقوله 


.


اذكرك والوقت مثل الحلم واجمل منْه وابهر 


تركض بعمرك هنا وهناااااك ما تخشى ذبوله 


.


واذكرك بالطيش تسبقني وتتمادى وتفخر  


وانت في بالك تعلمني مفاهيم الرجولة ! 


.


واذكرك واوراقنا ماقد غزاها اللون الاصفر  


تكتب وتشطب حروف الحب واحلامك خجولة


.


واذكرك والحاره ام الناس لمّا تنام .. تسهر 


كان للاسرار في صوتك دفااا له كنت اولـه  


.


واذكرك ومغازَل البيبان ..ماتقدر وتقدر 


في حياك وفي جنونك شي انا مـ اقدر اطوله  


.


واذكرك نادمتني ليلة قصيد وكنت الاشعر 


ليلةٍ مرّت سنين اعمارنـا فيها عجولة! 


.


واذكرك والذكريات اغلى هدايا العمر واطهر  


كم تركت بقلبي الدنيا من الحب امغسولة ! 


.


السنين اتشيب والايام تركض وانت تصغر ! 


كنك اللي ماعرف يكبر وخان الكلّ حوله  


.


منْك روحي لو لمست اطرافها بالشعر وامطر .. 


طاح منها كل ما ودي وما ودك نقـوله 


.


ذكرياتك (عُمْر) كم فيها حيااااة وطفلٍ اسمر ! 


كل ماغمضت في قلبي عليها .. صوتوا له  


.


والحياة أغصان شف كم لك وكم لي غصنٍ اخضر 


لو بقت فـ ارواحنا (ضحكة) من ايام الطفولة


 

أضف تعليق

أضغط هنا لإضافة تعليق