سبر القوافي

الكويت من رحـت / مرتفعـه حرارتهـا!

الكويت من رحـت / مرتفعـه حرارتهـا!

غناء بصوت صاخب..  شجي، الشاعر حمدان الديحاني.. يقول هنا :

لو قلت : عادي غيابـك ! / لا تصدقنـي

معك / اغلب الناس ماهي قد كلمتها..!! 

وكعادته..  حمدان..  صاحب  مساحات مخضوضرة.. شعرية..

يكتب ما تريد الذوئق سماعه..

ويطرب.. الحواس..

 

اللـي غلاهـا ، مـع اشواقـي معلقنـي..

……………………….. اشتاق / مدري لهـا ؟ ولا لـديرتهـا ؟! 

وان جيت والشوق لرضاها يسابقنـي

………………………..تحزم لـ( بيروت ( والاحـزان شنطتهـا 

من كلّ عـام / بشهـر ( 7 ) تفارقنـي

………………………..وتحرم عيوني ، ( 3 ) شهور ، شوفتهـا 

تْسافـر ، وتتـرك الضيـقـه تعانقـنـي

………………………..وعيني لها شهور ، مشتاقـه لـضمّتهـا 

وللشوق ، والضيق ، والاحـزان تعتقنـي

………………………..وتحبس عيوني ، ولا ادري وش جريمتها 

ياللي من الناس ومْن النـوم / سارقنـي

………………………..لا تحسب النفـس ، مرتاحـه بـضيقتهـا 

مادام حبـري ، علـى اوراقـي موثّقنـي

………………………..بـقـول بيتـيـن و الاقــلام قالتـهـا 

لو قلت : عادي غيابـك ! / لا تصدقنـي

………………………..معك / اغلب الناس ماهي قد كلمتها .. !! 

ماهو انـا بـسّ / بـغيابـك تضايقنـي

………………………..الكويت من رحـت / مرتفعـه حرارتهـا!

حمدان الديحاني

أضف تعليق

أضغط هنا لإضافة تعليق