خربانه إي واللــــه هي خربانه..
والله يلوم الناس، لو لاموني
نفسيّتي من هالسبب تعبانه |
الوضع سيّىء في البلد صدقوني.
ويّاي وإلا ضِدّي في هـ الخانه؟
ودّك أحبك ؟ سِد، كل ديوني ..
المصلحة / فوق الوطن وأحضانه !!
هذا فِكر بعض البشر، سمعوني:
الكويت دانه، لا تِضيع الدانه ،
وصّـوا إللي مايفهَم ولا توصّوني ..
ناسٍ تخرّب فرحتي ~ بطرانه:
بـ المَكـرَمَه بـ أفرَح، وما خَلّوني.
الكويت كِلْهَا يا غلا حزنانه..
عليه تبكي عيونهم ، وعيوني !
من مات وعْيون الشَعَب سهرانه،
بـ إعدام من كان السبب بشروني:
أبوج .. صِرنا، كل أبونا أخوانه
مايْضيع دَم، ( محمد الميموني)
أضف تعليق