آراؤهم

وش بينك وبين أبوفلان”!

قال المتمولس: “اليوم يومي (وألعب يالمتمولس) أنا كل الأيام مخليكم على راحتكم تهذرون براحتكم بس أنا اليوم عندي سالفة للشايب أبيه يعلق عليها؛ لأنها تجوز له، بس على شرط عدم المقاطعة وهي كيف تعرف أنك كبرت في السن.. علامات بداية دخول الإنسان مرحلة الكبر اسمع للآخر رجاء وهي متنوعة بين عدة علامات منها العامة وحسية في الجسم: يبدأ الأولاد وأبناء الأقارب بتقبيل راسك تقدم للدخول أولا ويفسح لك في المجلس لتكون مع كبار السن.. يستغرب الآخرون من ازدياد الشيب وتسمع عبارات مثل: “وش هالشيب” أو “كم عمرك” أو “وش بينك وبين أبوفلان” و استرح والله ما تقوم أنت في مقام الوالد أنا من عيالك استرح والله ما تقوم مع الكره للجة الجهال وتسأل إذا كانت تصبغ أم لا مع بداية حدوث الصلع وتساقط شعر مقدمة الرأس مع تهدل شعر الحواجب و تكثر وفيات معارفك وأصدقائك مع ملاحظة ازدياد مجاملات الآخرين لك في المحلات العامة وتقديمك عليهم يبدأ الشباب بالتحفظ أمامك وعدم الإتيان بعبارات معينة وبالتالي لا يرحبون بجلوسك معهم مدة طويلة بتكثر مقارنتك بين ما يجري في هذا العصر والسنين الماضية مع محاسبتك للاصغر سنا باعتبارك الكبير بداية الشعور بألم المفاصل والركبتين مع ارتفاع المؤخرة مثل الجهال قبل الراس عند القيام لصعوبة القيام من دون الاستناد باليدين على الارض وكذلك عند النزول كبر البطن عن المعتاد وتكون في حاجة لاستعمال نظارات القراءة وصعوبة لبس السروال واقفا واستحالة لبس الدلاغ في الوضع نفسه ويكون غرامك جمع المسامير والصواميل المرمية واكياس النايلون. 
قال الشايب: هههه عزالله اني شيبت .
قال الشاب: يالله حسن الخاتمة هذي المواري الوداع , المعاق : “خفوا على الشايب شوي تراه مايستاهل كل هالضغاط .
الشايب: تصدق ان بهالكلام اللي قاله المتمولس تأكدت ان بيني وبين الكويت شبه كبير .. وانا عندي احساس ان المتمولس مايقصدني بهالكلام لانه حاطني غطا لشي ما بنفسه .
الخبير: والله انت مش (هين) يادي المتمولس .. والله عندك حق ياحج حتى جرانيين النهاردى فيها عناوين فيها شبه من موضوع المتمولس اسمعو : لازواج لاميراث لاصحة لاتعليم لارحلات جوية لاتخليص جمركي ومجلس وحكومة حاطين نقرهم من بعض وصحافة واعلام مقسومه على اثنين و…و…و وفي هذي الاثناء رفع على مسامعنا الشيخ زغلول أذان الظهر. 
 
محمد خلف الشمري
bofahad42@hotmail.com

أضف تعليق

أضغط هنا لإضافة تعليق