صوتي المبحوح ولا إحروفي المبحوحه
في حروفي بحه وفـ حبال صوتي بحه
كل ما جيت أنطق إسم الجادل المملوحه
دحت ضلوعي كما الويلان يوم الدحه
الله أكبر يالغرام اللي بنيت صروحه
ما تصدع من صواديف الزمان وشحه
من تعلا عرش قلبي زلته مدموحه
لو يقول العقل نحه عن خفوقك نحه
ما دريت إن العروق إمن الهجر مجروحه
لين ذقت الموت بعد العافيه والصحه
يا حبيبي دام بيبان الغلا مفتوحه
قلبك الغافي ، على درب المواصل صحه
قلبي أبيض يوم للأشواق سلم روحه
وأنت قلبك به سوادٍ مثل حب الجحه
أكتم العبره وتبقى عبرتي مفضوحه
كل ما حاولت أضيعها بصوت الكحه
لكن ، أرقى مثل ما يرقى سجين الدوحه
للمعالي ، في عزومٍ صامله وإملحه
والحمام اللي على غصن المفارق نوحه
ما يزح الهم ، ياللي تحسب إنه إيزحه
لو ذكر بالغرب طبٍ للهوى وجروحه
كان بالعشاق تبلش يا وزير الصحه
twitter: @wikileaks_q8
أضف تعليق