والله اني في حياتي كلها
ما لقيت أغلى من اتراب الوطن
والأمانة لي يشرف حملها
للوطن حبي وحبي للوطن
مير ما ردوا الأمانة لأهلها
ضيعوا حق المواطن والوطن
والحرامية تحيض بجهلها
بعد ما انها جات من حيض الوطن
خبثها ما غاب عن خبث اصلها
ولا هدفها غير تدمير الوطن
شلة التخريب تعرف شغلها
والشواهد واضحة بأرض الوطن
يتضح في جسر جابر فعلها
مثل تحويلاتها برا الوطن
واحتراق الجامعة يندلها
من سعى في سرق بترول الوطن
من محطة مشرف وما قبلها
كل فاسد ما يهم امر الوطن
بانت العلة ومن هو علها
واستمر الشر في حرق الوطن
والحكومة ما طلبنا عدلها
غير بالمسؤول في نهب الوطن
والبلد كلن يعيش بفضلها
وكل فرد ينال حقه في الوطن
والمواطن يستظل بظلّها
والحرامي ما ي?قي له وطن
مسألة بالسهل نلقى حلها
لا متى يبقى الحرامي في الوطن
يا يرد أموالنا لي شلها
او نحاسب كل خاين للوطن
من تسبب بالجرائم كلها
كيف يتشدّق بحبه للوطن
خلها يا اللي تبيها خلها
مرخصين أرواحنا دون الوطن
أضف تعليق