سبر القوافي

علّموا الحوثي بإنّا ما نبالي.. وأنشدوا عنّا الحروب القادسية

جيت اوصّل لى سلاطين الرجالي
السلام اللي ينومس به خويّه

لابو ناصر جيت ابـ آنزل عقالي
والملك سلمان له مني التحيه

علّموا الحوثي بإنّا ما نبالي 
وأنشدوا عنا الحروب القادسية 

من قديم الوقت لين الوقت حالي
حنا من دك الحصون الفارسية

مجدنا مبني على روس الجبالي
بالصحاري و البقاع الساحلية

عزنا مشهود في ارض النزالي
ومن يعادي يبشر بلقي البليه

خبروا منْ هو يعادي بالزوالي
نصرنا من ذكرنا رب البريه

البنادق بيدنا يا اهل الضلالي
ننطرب لا من سمعنا البندقيه

فردنا يسوى جيوشٍ بالقتالي
ما تهيّبه الحشود العسكريه

المراجل والشهامه له تمالي
في سبيل الله كل روحٍ فديه

لو تروح الروح لله مانبالي
كل نفسٍ للوطن ترحل هديّه

يا رجال الدار لاجانا القتالي
مرحبا بالموت واهلاً بالمنيه

من جنوب القاع ليقاع الشمالي
كل مسلم صارله دينه وهويه

عبدالله الحيص

أضف تعليق

أضغط هنا لإضافة تعليق