شعراء سبر

#مو_مواخيذنا

غريب واشوف الحياه بـ عباره 
أن السنين ادور وتعري فلان 
مبادئي لو كان فيها إثاره 
تمسكي اكثر اثاره بها احيان 
حبيت قبل أعرف سلم ونعاره
قبل يعذرب راعي الطيب جحدان
قبل يزيّن معصم ايده سواره
كانت وطن ! وان جيت هليته امزان
كانت عمر مافيه لحظة مراره
كانت حضور لـ شخص مملي بحرمان
وعدتها الرجال رهن أنتصاره
لو وقفّت دونه جماعات واخوان
خسرتها والحزن واسع مداره
تخيل الفرحه غدت مصدر احزان
من مجتمع لـ انسان فاقد قراره
هو نفسه يفسّر قرارات ايران
يحكم كباره يا حبيبي صغاره
حتى  غدا الصادق مع الوقت خوان
و وقارك وما بين ابوي وقاره
حفظت وجه ابوي قدام الاعيان
لو هي عليه يقول ماهي خساره
بسّ الخسارة حال مشعل وسلطان
نسبهم وجيتك تعني اندثاره
وان جيت ولا رحت خسران خسران
أدري بدل ساره به الفين ساره
بس البحر ما يغري انسان عطشان
وترا الامير المرتكي بالاماره
لولا الاماره م التفت حوله انسان
و ما تذبح الرجال الا عباره
حنا يا آل فلان ما نعطي فلان
سند محمد العنزي / الكويت