جف هاالورد ودروب المشاعر رحيل
يزعل القلب و الا تبكي القافيه
كلمتينٍ بقت من صوت عابر سبيل
الكرامه ماهي ف الحب متعافيه
والسؤل الكريم اللي فضوله بخيل
ليه الأحلام مدتها مهي وافيه
كيف للقلب هيل وكيف للحب خيل
ليه من دمه النخوه ماهي كافيه
اجوديه حروف تحتفي بالقليل
احرجتني وهي لدموعها صافيه
كان ثوب الزعل واسع وكمه نحيل
البسه كيف وكمومه ماهي ضافيه
الثمر صيف والشتوه تلف النخيل
و الازيرق سرى ليله معه سافيه
جف هاالورد ودروب المشاعر رحيل
يذبل القلب و الا تبكي القافيه
أضف تعليق