سبر القوافي

الحر يبقى ماكره فاخرٍ فيه

اللي لقى بالشر ناسٍ تسليه

.. لابد يعثر والزمن له يراوي
‏الحر يبقى ماكره فاخرٍ فيه
‏.. والعبد شاوي ترثته راس شاوي
ايامنا تنبي وتظْهِر بلاويه
.. والشك زايل لو تزيد الحكاوي
واللي بغى العليا سديده خطاويه
.. يهمل ضعاف النفس للكل حاوي
لمّت عباته للرجال وفراويه:
.. غطّت على كل العبي والفراوي
تاريخنا مشهود حاضر بماضيه
.. منقولةٍ بالطيب بلسان راوي
عيبٍ على الازمان تنكر وتفنيه
.. يوم الليال وسودها كان ضاوي
ما يجحد المعروف إلا مخبيه
.. من يجحد المعروف لا شك خاوي
حذراك تتبع مقفي الذيل ترضيه
.. خلّه على فرقاه ضايع وعاوي
وارفع سمو النفس لحظة تلاقيه
.. الايام تتبدل وصون العزاوي
واضحك عساه بضحكتك غيظ ترديه
.. داو الحقود بضحكتك حيل داوي
ما ينكسر مثلك كبيره مباديه
.. خطواتك اكبر من كثير الخطاوي

أضف تعليق

أضغط هنا لإضافة تعليق