قال من عيّد والاحزان مجموعه
في ضميره مير الافراح من طاعه
يفرح وقلبه دواليب من لوعه
يعصرنّه لا فرح في ربع ساعه
عيّدت داره والاعياد مشروعه
بالشريعة والسنن تحكم اجماعه
مادرت باللي يعيّد على كوعه
ما تهنّ العيد من لايعن لاعه
عيّدي يا دار والناس مفجوعه
بالنّفي والسّجْن والسّحْب والرّاعه
عيّدي وانتي من اعوام مطبوعه
طبْع من يضحك على سكرة اوجاعه
تفرحين وكلّ الافراح مصنوعه
من وهم والهمّ من سرْبت اتباعه
وجهك المصنوع مافيه شعشوعه
والشعَب وجهه عبس رابع ارباعه
من يصدق فرحة العيد مسموعه
قلت له بعض الهواجيس خدّاعه
لا يغرّك وجه ترفة و دلوعه
الوجه غير الذي يظهر اقناعه
السعادة في ذرا الدار ممنوعه
زال بيت الرّعب ما نزّل اشراعه
آه من افراح بالحزن مصفوعه
كنّها أعزل دعت فيه مطّاعه
الفريد اللي تَعَرفين موضوعه
ما لقى في حزّة الضيق فزّاعه
البعير ان صابت الشّلف كرسوعه
ما يشيله خفّ وان طالت اذراعه
هامته تشدي شمنْصير مرفوعه
ما درا عن حاطبن في طرف قاعه
مابكى في يوم وان سالت دموعه
من وزا يا دار ما هي تشفّاعه
عيّدي والعيد عندي فرَق نوعه
عيدٍ اصدق من مطاميع طمّاعه
يدخلون السوق لا كثروْا رْبوعه
وان غلا سوق الوفا جوه بيّاعه
قلتها وان قيل الارزاق مقطوعه
قلت رزقي فالسماوات توْداعه
بوبخيت
@BoBaKeeT
أضف تعليق