سبر القوافي

Twitter … نايف الرشيدي

والله أحبه قسم بالله أنا أحبّه

لو شفت منه الجفا ومصافح طعونه

يا كثر مادوّر لضيقاتنا سبّه

 والله حرمه الرضا وأحرمني عيونه

سأهيل النسيان على كل جرح مضى من عمري! ففجرك قادم، وصبح وجهك قادم، وليس للحزن متسع من عمري وهات يدك!

سولفت بي كثير أكثر من اللي هقيت

وامدحتني وأنا أدري مالحقها قصور

 علمتني أحب ولاجفتني جفيت

روّحت بنت أبوها شيخةٍ ماتبور

….

حين ترى امرأة تضحك بلا سبب وتجيب عن سؤال لم يسألها أحد فيه وتمدح تماسكها في الأمور العظيمة، فأعرف أنها منهارة من الداخل..

ماذا تفعل الآن؟ بماذا تفكر؟ من هاتفت؟ متى استيقظت؟ هل تفكر بي؟ تساؤلات مشروعة لعاشق ، فارق حبيبته..

سمّعني صوتك ولو مرة على شاني

وأوعدك ماتطلع أرقامي بجوالك

ودي أسولف لك الليلة عن أحزاني

وأقول لك شي مايخطر على بالك

 ….

كل ليلة يقسم كاذباً: لن أعود إليها! لكن قلبه لم يبر بقسمه، يغافله كل ليلة ويهرب إليها ويعود قبل شروق الجرح بقليل!

…..

عندي أمل بكرة تزين المشاوير

 أجمل من اللي ساعة البعد فاتك

 إن قاله الله ياحبيبي على خير

بتشوف منهو يسعدك في حياتك

….

ماأشغلتني هنوفٍ في غيابك رزينة

ولاضويت الدفاتر يوم عنها سريتي

شاعرك من زمان وهالقلم في يمينه

ماله الا عيونك لاكتبك وقريتي

نايف الرشيدي

@naifalrashidi

 

 

 

أضف تعليق

أضغط هنا لإضافة تعليق