سبر القوافي

ياربي تاصل الأبيات..!

 مشاركة  من الشاعر الشاب (سيف الدبكل) يتحدث فيها بصدق.. و يسجلها أول مشاركة في “سبر القوافي”: 
يامساء الخير ياخير المسا
ياصباح النور يانور الصباح
 
نور وجهك يابعد حالي كسا
ليلنا.. ومن جبينك عطر فاح
 
شاعرك ياصاحبي لاما نسا
مار قلبه زايد {ن} فيه الجراح
 
ولو قسا وقتي فـ قلبي ماقسا
باقي {ن} قلبي لأحاسيسك مراح
 
ينســــا هالكــــون كله.. ينسا
بس حبك لا.. ولايمكن يزاح
 
يشهد الله لو يصفون النسا
وآتخير بينهن برضا وسماح
 
وانتي مو معهن فلا ادور ونسا
لأن غيرك مابرى آآهي وآآح
 
ولو تقول الناس عني مهلوسا
ولو تقول انه فشل يومنه باح
 
ايه فاشل..بس فارقت الاسا
دام في قلبه تحقق لي نجاح
 
كل جمال الكون عنده يدرسا
وكل وفاء اهل الأرض له قلبه مراح
 
ياهلــي هالزيــــن لاماينســـا
كيف ابنسى.. لاحبيبي ذا مزاح
 
بختــم الأبيــــات بـــس بهلوسا
لجل اعـــاند من تســبـــب بالجراح
 
يامساء الصبح..ياصبح المسا
ياصباح الليل.. ياليل الصباح
 
كيف.. مدري.. بس ياربي عسا
تاصل الأبيات دام الســـد بـــاح
 
 
Copy link