“والله الدنيا فيها العجب، قال إيه، وحده بمقتبل العمر اتخطبت لواحد أمور مسمسم من العيال اللي عاملة شعرها عند مزين بهايم لامؤاخذة ياحج”، ثم أضاف الخبير مستطردًا” العيال ياحج اللي بيحطوا جل واخذ بال حضرتك”.
قال الشايب: “مدام فيها واخذ بال حضرتك السالفة لك عليها… اهرج سالفتك خل نعرف آخرها”.
قال الخبير: “مكنش العشم ياحج برضه دا كلام… بعد العشرة دي كلها بتقول هات من الاخر هههه… “مقبولة منك ياحج”… ماعليه نرجع لمحور الحديث, البنت اياها رفضت الخطبة بحجة ان الواد ماعندوش كرت خط من نفس الشركة اللي هي مشتركة فيها بحجة عدم توافق الابراج بينهم… قال ايه يمكن اطلبه يكون خط الشركة الثانية معلق معاها”.
قال المعاق: “يالله تمم علينا عقولنا وش هالافكار ووش ابراجه… هذي ماعندها سالفة “.
قال الرجل: “وش دراك ان ماعندها سالفة ? إلا انت اللي ماعندك خبر بشي الظاهر انكم مو عايشين بالدنيا معانا”.
قال الشايب: “العلم وش السالفة نور ديوانيتنا ترى يابوك من ناحيتي انا انام مبجر”.
قال الرجل: “الايام اللي طافت صار كل هم اغلب الناس هو متابعة اهل التوقعات والتنبؤات… وش قال هالعراف وش قال ذاك العراف وش رأي العرافة هذيك … ومن راح يعيش ومن راح يحكم, وهل فلان ينعدم والمطربة فلانة هو يبي يجيلها عريس، والعريس طويل واللا قصير متين او ضعيف… اسمر ولا ابيض واغلب الناس يادافع البلاء اهتمت من لا شي جن الحياة صارت بيد هالناس”.
قال الشايب: “هذي قلة ايمان, الظاهر فعلا حنا نعيش باخر الزمان اللي يقولون عنه” .
قال الشاب وهو يضحك: “مو بس التلفزيونات هي اللي تنقل اخبار اهل الدجل… الامر وصل للاذاعة انا قبل كم يوم صدفه اقلب بقنوات “الاف ام” المحلية فجأة واللا اسمع شي مقارب لي هالشي اللي تسولفون عنه… سمعت حريم تتصل على واحد مستضيفينه بالبرنامج عن الابراج وهو يقول عطوني ميلادكم الصحيح وانا اقول لكم ابراجكم المساندة لبرجكم الرئيسي… وهات ياتخربط بعقول هالحريم اللي كثرة اتصالاتها بالاسئلة اللي تسأل عن برجها وبرج زوجها وهي تتساءل عن هل هم يتوافقون ام لا… ووحده اتصلت تسأل عن خطيبها ابو البرج العلاني هل راح تعيش معاه حياة حلوة او انها تقطع دابر الموضوع قبل “الملجه” .
قال الشايب: “نسأل الله العافية الحمد لله الذي عافانا مما ابتلي به غيرنا من الناس وفضلنا على كثير مما خلق … كذب المنجمون ولو صدقوا الله لايبلانا هذا جهل مركب .. لاحول الله صرنا شعب مسخرة كلن يلعب فينا .
قال الخبير: “ياناس ياهووه معقولة فيه ناس بتسمع للعرافين وحنا بـ2012 من ناحيتي بحمل بعض اجهزة الاعلام المسؤولية… لانها فتحت بيبان اجهزتها لامثال هالناس علشان يتكسبون من وراهم فلوس… ربنا يكون بعون عبيده لان اللي جاي اشد من ما كان”.
قال المتمولس: سبحان الله ياخي، الانسان مثل البني آدم إذا توفي مات… وعند ضحك الجميع رفع علي مسامعنا الشيخ زغلول أذان الظهر”.
محمد خلف الشمري
bojwees1@hotmail.com
أضف تعليق