سبر القوافي

قصة مدامعنا

طق يامطر طق كن الغيم يسمعنا
اطفال لا سالت الغيمه نغنيها
ايام كان المطر لا صب يجمعنا
وان غيبوها دقايق رحت اناديها
ديمه ياديمه تعالي العبي معنا
وايدي من الشوق ماتنفك من ايديها
فجاه كبرنا ومن يقدر يرجعنا
لـ ايام ساعتها تشبه ثوانيها
كان الشعر وقتها حديث شارعنا
واصبحت شاعر تحت رغبة امانيها
حتى القصايد لا مرت مسامعنا
اعذرب بيوتها واسب راعيها
تقول عطني من اشعارك وسمعنا
واختار من نبضها في قلب غاليها
قصايد اتطل من شرفة مواجعنا
تموت الاحباب وتخلد اساميها
حنا من اول محطات العمر ضعنا
ياليتني كنت عارف ويش تاليها
من علم الغيم عن قصة مدامعنا
من يوم غابت وانا مانيب ناسيها
هاذي هي بيوتنا وهاذي شوارعنا
مدينتي بس ديمه ماهي بِ فيها
والحين حتى المطر لا صب يوجعنا
امر في بالها ويمر طاريها
طق يامطر طق حنا ماتوادعنا
لي الحين عندي امل يمكن الاقيها
@7mdal3bani