آراؤهم

“ناطر بيت”


“صباحه فل على الناس الحلوة” الملمومة وهييه وبحب الناس الرايقة اللي بتضحك على طول اما العالم (المديقة) انا ماليش بدول .. قالها الخبير وهو يضحك ثم أضاف »ايه الحياة ياحج”?.


قال الشايب : »ههههه اليوم اشوفك فاصل ياسعادة الخبير .. بس تعال ترى عمك ما فهم أخر كلامك وش تقصد بايه الحياة? ممكن تنور محكمة الفريج?


قال الخبير : “ايه الحياة? ده مصطلح روشنة من شباب اليومين دول بمصر يا حج, وبما ان الأمور خرجت عن السيطرة بالنسبة لحضرتك ههههه وايه الحياة? معناها هو السؤال ماذا حدث اليوم او ما هو الجديد في الدنيا .. وخليني ابسطها لك تيجي زي ما بتقولو شنهي آخر علومك هههه خمسة وخميسة علي.


قال الرجل: “أخر الأخبار وأقدمها هو انتظار دور الإسكان .. لان ما فيه صوت أعلى منه, يا ناس يا عالم يا عيال الحلال لمتى وأنا ناطر بيت? الإيجارات أكلتنا كل يوم والثاني أصحاب البيوت يرفعون علينا الإيجار وحنا ساكتين لان ما باليد حيلة .. والله عيب عيالي صاروا أطول مني وما جاني دور بيت العمر والله مشكله ! .. علموني وين أروح ومن اشكي عنده?”.


قال الشاب : الشكوى لغير الله مذلة بسيطة تعال انظم لحملتنا حملة “ناطر بيت” وهي تضم أطيافا متعددة من المجتمع الكويتي الدكتور والمهندس والعسكري والمدني والطويل والقصير والضعيف والمتين كلهم تجمعهم هالحملة, وان شاء الله من خلالها راح نوصل صوتنا للمسؤولين حتى لو تطلب الأمر الذهاب لساحة الارادة”.


قال المعاق: “وين المشاريع اللي يقول عنها الوزير اللي بالمطلاع وعلي الدائري السابع اللي يقولون أنهم راح يوزعونها خلال الأشهر القادمة?”.


قال الخبير: “خبر ايه ياعم مش كل حاجه تسمعها تصدقها … انتم ناسين ان اي مشروع عاوز بنية تحتية? بذمتكم شفتو حاجة من هالقبيل? وبالمرة مسيلي على المدن البحرية! يابهوات سيبو الناس تتكلم وابحثوا عن حلول? “.


قال الشايب : “وش له الحلول عسى بطنك ما هي متوقفه ياباشا?”.


قال الرجل: “والله انك فاضي يا حجي حنا محترقين وأنت تضحك باشا الحلول كثيرة ومنها اشفيها لو بعض المسائيل (المسائيل جمع مسؤول ياخبير) يركب سيارته الحكومية ويلف بالمناطق الجديدة اللي تم توزيعها ويشوف بام عينه ان بعض هالناس اللي أخذت البيوت مالها حاجة فيه .. والدليل راح يشوف بيوت مهجورة ومكسرة واللي ما هو مهجور ومتكسر راح يشوف عنده سيارات لا حصر لها لأنه متأجر بالكامل .. وان كان ما هم مصدقين راح تقنعهم إعلانات البدل مع طلب والبيع اللي معلقة علي بعض البيوت ودوارات المناطق .. وان كانوا متعاجزين عليهم بالمجلات الإعلانية وهي تفي بالغرض وتغني عن الف لفة ولفة”.


قال المعاق: “صاج يا فلان  أنا اعرف كذا واحد ساكن عند أهله وبيته مخليه عقار استثماري يدر عليه مدخول شهري… الله يباركلهم علشان ما يقولون حاسدينهم”.


قال الرجل : حشى لله محنا حاسدينهم بس من قهر السطعش سنة انتظار للدور .. كل كم شهر بيت غير وشيل وحط وفك وركب, والله شي يشيب بالواحد قبل عمره .. بالله من يصدق هالامر يصير بالكويت ناطر بيت?”.


قال الشاب : “الإسكان لازم تفعل قوانينها وتشن حملة على أصحاب البيوت المخالفة وخصوصا عندها قانون بالإدراج  يمنع الإيجارات بالمناطق السكنية .. والحق ما يزعل اسحب من اللي مو محتاج وعط المحتاج اللي ناطر بيت”.


قال الخبير : “هههه ضحكتني وأنا ما ليش نفس يا بني المسألة عاوزه قرار جريء وعلى ما أظن ان الجماعة ادوا حلول بس مين راح يسمعهم ويطبق”.


 قال المتمولس : “انا ما احتاج شخص يحبني ويهتم فيني .. كل اللي أبيه هو كم 157 مليون أدبر أموري فيها وساعتها انا اهتم بنفسي  .. وعند ضحك الجميع رفع علي مسامعنا الشيخ زغلول أذان الظهر”.


bofahad42@hotmail.com


 

Copy link