سبر القوافي

“صرخة شعب”

باسم الكويت وارتكاز الأمه                            
وباسم انحلال المجلس بلاهمه                    
باسم التناقض واحتقان الدوله
بمتشدق ونابذ بها والرمه
ناس تهد الحيل وش تفكيره
نية تنافر بالنوايا سمه
يامجلس الأمه كفا يكفيكم
الشعب فيكم ماعرفله يمه
شعب يحب الحق واستحقاقه
يبي لسان يدافع وله همه
وانتم لسانه يارجال المجلس
لاتسكتونه وانطقوا عن فمه
يكفي تناقض بالحكي متخالف
ومطمةً ياكبرها بمطمه
شعب الكويت انهد حيل اصواته
من غيركم يرأف عليه يضمه
شعب نزيه وماحقد أو يكره
وافي لكم وانتم رقي ملتمه
اشوفكم شجعان في موقفكم
وفيكم تحقق طايلين القمه
ياشعب من لايستحق المجلس
لايهزكم واشي ولا ذو نمه
انا اعيش بوضع واستحوذكم
واشوفكم عزاً بنيتوا يمه
آفافكم تعلو بلوغ الرؤيا
بشدة وفتحه وبسكون وضمه
لايارجال الحق جيت انخاكم
لاتهدرون الحق سيلة دمه
الشعب عاش بحالة يرثاله
والمشكلة يجهد وشمر كمه
مايعرف الناكر من المستنكر
ولايعرف السيئ من الا ذمه
عدوكم حاقد يبي يفرقكم
وده يهد دياركم وش همه
يارب تحمي كويتنا ورجاله
وتجزى اعضائه بالعطا وتتمه
دار الكويت نحبها ونغليها
وهي كلنا ونقوله يايمه
بلسان واضح كلنا نرددها
لاتصوتون لتافه وشرذمه
زعال القزاع