شعراء سبر

ناصر بن ثويني يتغزل في شيخة: لو يزعلون الشيوخ

خل العرب تدري إني عاشقٍ شيخة /
لو يزعلون الشيوخ وتقبس الثوره

http://algsaid.com/uploads/songs/Nasser-bin-Thuwain/001.mp3

البارحه رحلة التفكير ميسوره /
وقتٍ مع الشعر والثاني مع السوره

شتان مابين نظم الشعر والطاعه /
لكن لي نفس منهيه وماموره

ماودي يقال عني شاعرٍ غاوي /
اغواه حب القصيد وحب جمهوره

لكن لمنه طرا حسان بن ثابت !!
رديت للخبره اللي كان مذخوره

رديت للهاجس المتبصر الواعي /
المفرده مركبي وبحوري ابحوره

لعيون من حبها متمكن فيني /
وحروفها في جدار القلب محفوره

عن غانيات البنات الله مميزها /
ان قلت متواضعه ! وان قلت مغروره

اهيم في حبها يارب سامحني /
وآزل عن نظرة العاقل ومنظوره

أماري بحبها واطلع واصرح به /
معذور ،، واهل الهوى بالذات معذوره

خل العرب تدري اني عاشقٍ شيخه /
لو يزعلون الشيوخ وتقبس الثوره

بالهون ياعاذلي من قبل تعذلني /
لعل بعض الذنوب البيض مغفوره

هذي كويت السلام ودار اخو مريم /
دارٍ عساها من النكبات ماجوره

دستورها ( العدل ) والقائد يراعيها /
والشعب في خدمة القائد ودستوره

خمسين عامٍ وهي تزهو ولازالت /
نوارة في شهر تشرين ممطوره /

ما مسها اللاهب الا مرةٍ وحده !!!
في الغزو ،، لاعاده الله غزو وشهوره

صاحت من الضيم ،، وأول من تلقّاها /
قبل الصدور البعيده ، صدر اخو نوره

فزع ولا شح باجواءه واراضيّه /
مايرقد الطيّب وجارتْه مغدوره

رد الوداعه على جابر وردتْ له /
مرفوعة الراس والرايات منصوره

الله يسقي ثرا جابر ويغفر له /
ايلين يعشب ثراه ، وتضحك زهوره

 

Copy link