شعراء سبر

ياللي هدمت الدار..

مرة أخرى.. يسكب الشاعر “بو بخيت” مداد الشعر ليرسم صورة للمشهد الكويتي، مستخلصاً منه موضوعاً لقصيدته الوليدة.
 
بن بخيت، اختصر مساحة الحزن في بضعة أبيات، كانت كافية لأن يقول ما يريده الشعب عن الفساد ، وعن الوطن الذي ينتظر من ينتزعه من براثن المفسدين.. وهنا القصيدة:
 
 
يابخيت لاتبكي على بوك يابخيت
                 بالك علي يابخيت دمعك تسيله

إصبر علي يابخيت وان كان ماجيت
                 أوصيك انا يا بخيت همّي تشيله

همّي عقب ديني تعيشين ياكويت
                 بالعدل والايمان وشرع الفضيله
   
غصبٍ عن اللي فتت الشعب تفتيت
                 أحدٍ ورى مذهب والآخر قبيله 

ويوم اننا شفنا العبث بالتصاويت
                 وشفنا عميل باق سلعة عميله

وشفنا دراهمنا اسرقوها مع الزيت 
                 وراع العدل ميزان عدله يميله

والتاجر الطماع خاوا الطواغيت  
                 ما همّه الا كيف يملا صميله

ياللي هدمت الدار حدّك تماديت
                 شفها حجاره صار كنّه نثيله

ولجل الوطن يابخيت دجت وتنقيت
                 خوّة حرار القوم نعم الفصيله

مع حفنة انفار الكرامه تخاويت 
                 لاجل الوطن يرقى براس الطويله  

مرضى بغير كويتنا دارٍ وبيت  
                 ولو كان كل الكون كله بديله

هي ديرتي يابخيت وفيها تربيت
                 وفضل الوطن يابخيت ما ينسيله

وماهمّنا يابخيت صفّ التوابيت
                 لجل الكويت الموت حنا نجيله

والموت ماروّع عيال الشفاليت
                 الموت بيد اللي مكر كل حيله 

عن عرضها يابخيت موتي تمنيت
                 فدوه ولا يدنّس شرفها النبيله

ماني انابوبخيت كان انني اقفيت
                 وقت اللقا من دون عرض الحليله

ويلعنك ياواحد عن البنت صديت
                 مقفي كراعينه تسابق شليله

ياللي عن الميقاف حصت وتعاميت
                 فاتتك ليله بالف ليله و ليله

ومن عقبها يابخيت ما ينفعه ليت
                 من صفحة التاريخ وشهو حصيله

وانا الذي عن كلمتي ماتخلييت
                 بكره مسيرتنا ولا ابغى دليله

وضرب العصا يابخيت مايوجع الميت
                 ولا زين الميت عيونن كحيله

خربت معي يابخيت وكان اني ابطيت
                 اطلب لي الرحمن حسن الوسيله

ماقلتها يابخيت ادور بها صيت
                 غصبٍ علي يابخيت شبّت فتيله
بو بخيت  –  BoBaKeeT@