شعراء سبر

هبت هبوب الشعب

هبّت هبوب الشعب فزعة كويتيّة                                   
                       لجل الكرامه ولا قوّه بتثنيها                                                      

ريحٍ عواصيفها برٍ و بَحريّه                                           
                       تهدم قصور المذلّه مِع حواريها

ماهي لجل طائفه والاّ قبيليّه
                      من اجل دستورنا هبّت نواصيها

ساروا كرام البلد بجموع شعبيّه
                      لبوا نداء الوطن من قِدم يدعيها

ساروا مسيرات شرعيّه و سلميّه
                     عاش الوطن عاش وهذي كل اغانيها

راح الزمان الذي فيه الفداويّه
                     وجا للوثيقه شبابٍ يحتزم فيها

لجل الوثيقه يدوس الدّاب والحيّه 
                     والموت من دونها غاية امانيها

الشعب جايع كرامه يالبطينيّه
                     ماهمه البيض لو الريش غاطيها

ثابت على موقفه ركبه ومثنيّه
                     لا للمراسيم يرفضها وينفيها

زاد الوعي بالشعب عقب الحراميّه
                      تحويل وايداع و حاميها حراميها

حال البلد حالته قشرا و مبليّه 
                     والناس تعرف بلا الديره وباليها

يامِشعل النار فالديره و برحيّه
                     تاتحرق النار مِشعلها و واطيها

مرسومكم فرّق الرجل وبني خِيّه
                    ازرق يشارك و يقاطع برتقاليها

قال الشعب كلمته ونيّتك ملويّه
                    اما تعدّلت والا الشعب يلويها

لا لنتخاباتكم يا طاق طاقيّه
                    لعبه ومكشوفه الروس وطواقيها

واللي يشارك بها يرضا العبوديّه
                    الذل من راسها للساس كاسيها 

إياك عيني تشوفك بالدوانيّه  
                     ياخاين الدار يابايع مباديها 

بعض العرب علته فالجيب مخفيّه
                    لاجوك فتش شواربها و مخابيها

البعض منهم كما السلعه تجاريّه
                    معروض للبيع والسوام يشريها    

والبعض الاخر ضعوفٍ وانتهازيّه
                    يحسبها فرصه ولا يمكن يخليها

والبعض منهم ركب فالباص عبريّه 
                    يمكن طريقه على المجلس يوديها

مافيهم اللي صدق بالقول والنيّه  
                   كلٍ على مصلحة نفسه يمشيها

منتو مع الشعب ياشله حكوميّه 
                   شامي مع المغربي وايضا يمانيها 

ياديرةٍ سيدها وضحه و وسميّه
                   مايفلح القوم وهاذي بعض اساميها    

واعلامكم يطعن الوحده الخليجيّه
                  وخوّن شبابٍ تمد اليوم اياديها

الشر ماهو من الشعب و جنوبيّه
        الشر شرق الكويت ومن شماليها


بو بخيت
Copy link