لا والله إلا بان في راسي الشيب
وهو قبل عامين ماله مواري
لا شك ما هو من غرام الرعابيب
حتى ولو شفّي خروب الحباري
عقب الربيع اليعربي يقنب الذيب
ويشيب ، لكن ما حدٍ فيه داري
لا يا عذاري ما به إبعيد وإقريب
والشرق الأوسط صار كله عذاري
حطو لنا فالشرق الأوسط معازيب
هبوطهم دايم هبوط اضطراري
يا مكثر اللي لو يشوف العذاريب
يرقل من الذله سوات السفاري
قومٍ على الباطل تسوق التراحيب
وتقول هذا من صحيح البخاري
فـ البيت الأبيض عبد راعي مواجيب
يا كثر ما وجب لنا بالمصاري
يامر وينهى دون شكٍ ولا ريب
ولا يحب البسبسه والهذاري
بأفعالنا كنا نماري هل الطيب
واليوم بأفعال النصارى نماري
twitter : @wikileaks_q8
أضف تعليق