شعراء سبر

إهداء خاص إلى تجمع “ناطر بيت”

ياوزير الشعب مدري ياحكومه                                               
             البلا فالـشعب والّا فـالوزاره ؟                                          

كنّـكم ويّا شعبكم في خصومه !
          والضحيه جيل عايش في عماره

فوق ميّة الف يحلم طول يومه
               تُـنجز الخطّه ولو ثلثين حاره

من يحـقـق للشباب آخر حلومه
            بيت من دورين لو طايح جداره

انهكـتنا خزنـة البنك الـلهومه !
             بين قرض وبين من زوّد أجاره

الثّـقه فيكم مـن اعـوام امعـدومه
          والسبب بيع الوهم قبل الحجاره

عود رمث و قلتو عنّه ياشمومه
             ياحكومه كيف مفعول الزقاره!

حـيّرتـنا خطة البـيت الكـتومه
             والرعاية زادت الحيره حراره

خطة الاسكان كبشن في عزومه
           والطراقي ربعكم واهل التجاره

ياحكومه والله منتي بمحشومه
             والـوزاره كـنّها درّ الحـمـاره !

ياحكومه من قنص في فرخ بومه
           ظاع يومه والحصيله راس فاره

الـوزير اللي تخـثّـع في هدومه
          يعتدل والا الشعب يخلع وزاره !

الوضع مزري ومن يضمن يدومه
          والحرايق أصلها سبّت شراره !

من لها والمجد يبغى من يرومه
             يرفع التقرير ثم يصدر قراره
BoBaKeeT@
Copy link