شعراء سبر

الوشيحي بالقلم هزّ العروش

القلم يعشق شجاعن مايهاب
سطر التاريخ لو خان الكتاب
يحفر الكلمه كما حفر الشّعاب
ارضه الاعلام واحروفه غمام 
شاشة الاعلام تشهد والمقال
انه اقوى من براكين الجبال
يضرب المفسد واشباه الرجال
الشجاع ابن العزيز ابن الكرام
صادق الكلْمات والمعنى فصيح
من أثرها شفت كم رخون طريح
ما يصح الزور والمعنى صحيح
لو شرا حاتم كمك صنعا وشام
له قلم حدّه مثل حدّ الشطير
يطعن المغرور والغر الغرير 
( مستحيل الصعب ) حوله يستدير
لين ترجع دارنا دار السلام
لا حضر فالـلازمه سدّ اللزوم
ثابت الماقف كما ضلع البقوم
مايطيح الضلع وخصمه مايقوم
لا وطا مفسد جعل بيته هدام
مايجامل فالكرامه من يكون
لجلها ماهان واعداءه تهون
يعشق العزّه ولو خلف السجون 
احترم نفسه ونال الاحترام
الوشيحي بان نجمه فالسما
شافه اللي تشتكي عينه عما
ما يرده سجنهم عنا … و ما
يختفي نجمه وحنا في ظلام
الوشيحي بالقلم هزّ العروش
واشتكت منّه مكبّرت الكروش
اللي يملا بطنها سحت القروش
بالحرام اتعيش و تاكل بالحرام
 
قلتها بلسان صادق ما لغى 
الوشيحي سيف ساحات الوغى
سلّطه ربي على فاسد طغى
تشهد الساحات لا ثار العسام
يكذب اللي قال تلقا له مثيل
الشبه فارق … وامثاله قليل
تعجز الكلمات وابحور الخليل
توصفه حتى ولو طال الكلام
بو بخيت
 BoBaKeeT@
Copy link