شعراء سبر

بلانا يا عرب منا و فينا

بلانا يا عرب منا و فينا                                                
                    رضينا والاحنّا مارضينا

قبايلنا شكت ظلم الجهاله    
                   واثر فينا ظلام الجاهلينا

بعضنا ويا كثر بعض الاسامي
          من احساب الجهل يحسب علينا

فلولا شرع ربي فالقرايب
                    وعادات الجدود الاولـينا

تبرينا من الجهّال حتى
                      ولو كنّا نحب الاقربينا   

تبلـونا بعضنا بالضعافه
                نسو ماضي لنا فالسابقينا

نسو دون الشرف كم كون كنّا
                وكم قـومن تضاعفـنا غزيـنا

مواضينا مضت بالعز كله
                  فهل ترجع اذا حنا بغـينا؟

لقينا في بعضنا جرح غاير
                  من الذّله مشا كالغرغرينا

شرو قيد المذله … بالكرامه
             بسم شرعن جديد اسموه دينا

ديانتهم شريعتها الجبانه  
                    ولا هي دين ربّ العالمينا 

فلا حبّ الله المسلم جباني
                    ولا حبّوه جمع المسلمينا

كرامتنا مثل بيت العناكب
                  غزوه انذال وحنا الاكرمينا

غزونا من بعد شافو بلانا
                بعضنا في بعضنا يستهينا 

احدنا باع نفسه والقبيله
                والاخر في بعضنا شامتينا

قسينا في بعضنا لين لنّا
                    وفالاجناب قاسينا يلـينا

تخاذلنا جعلنا في شماته
                  من الانذال نسل الارذلينا

كفى ياربعنا غيره وفرقه
                     ترانا لا غرقـنا أجمعينا

اذا ما بعضنا يرفع بعضنا
                  وطونا القوم وطي المعتلينا

واذا مابعضنا يسند بعضنا
                 تهون اجموعنا عند المهـينا

واذا مابعضنا يحما بعضنا
               وخذنا من شمال ومن يمينا

واذا مابعضنا كرّم بعضنا
                  قعدنـا في مذلّـتـنا سنينا

ترا ما دعوتي للعنصريه
                    ولكن شفت بلوا تبتـليـنا

وشفت القوم ماتخشا أحدنا
               وتخشا جمعنا وسط العرينا 
 
رساله من ضميري دون ربعي
                ولاهي في ظهور الغـانمينا

عوايلنا حضرها و البوادي 
                 لهم في دارنا فضلن مبينا

على وضح النقا علّيت صوتي
              بعد شفت المواضي يعـتـزينا
    
عسانا من بعدها في جماعه
                ولا تـهـدم يديـنا مـا بـنـيـنا 
 BoBaKeeT@
Copy link