ألا يالحراك السياسي سلامي
سلامن سلم من عسل فيه سمّي
بعد عمرك اللي كِمل بالتمامي
علامك مع الهمّ زوّدت همّي
أشوف العسل دسّ بعض الاسامي
أسامي سماسر دجلها يعمّي
تبيع الحلو وقت بيع الكلامي
بسوق العسل كلّ حلون تضمّي
من الحلْو جابو بلح حلْو شامي
وجابو عنب من عدن زرع ذمّي
شرينا من الحلو بعض الطعامي
ولكن ظهر من يبـيعه مطمّي
يغظي ذعاعه بحلو باللثامي
و حنا كلينا و حنا نسمّي
كليناه لكن عرفنا اللئامي
بعد ريحة السّم فاحت تشمّي
عرفنا اللئامي عرفنا الكرامي
ومن مدّ يمناه من دون كمّي
اذا ما حِمانا دعا كلّ حامي
تبين المعادن فالامر المهمّي
ويا من تصلّي صلاة الامامي
صلاتك مثل ديك راسه يومّي
فلا ينفعك لو لبست الحِرامي
حرامن عليك الحرم لو تيمّي
بعدها سلامي وحلو الختامي
على كل ظامي ورد للمجمّي
ورد حوضنا ظامي والجو حامي
عرف من أسمّي ومن دون اسمّي
@BoBaKeeT
أضف تعليق