يا بِخيت العمْر لو عشته سنين
عمرك الـمحسوب ما فيه النّفَع
إحرص انك تكسب الدنيا ودين
دنيتك تغنيك … ودينك لك شفع
والعمر يومين ما بيْن و بين
يوم ضيق وبيْن يومن متّسع
خذ من ايام السّعه سلفه ودين
ينفعنّك يوم ضيقن به وجع
واخلص النيّه لرب العالمين
يرزقك ربك بتقوى والورع
والعمل مابين رخصن والثمين
في حسابك كلّ ما تعمل وُدع
إن ودعت الكنز يانعم اليمين
بنكك ابيغنيك في يوم الفزع
وان ودعت الرّخص الله لك يعين
ما رصديك يوم حشرك لك فزع
والبخيت اللي يبر الوالدين
آخرت عمره حصاده ما زرع
والرّحم لو وصلهم لك قاطعين
لا تقاطع من لهم وصْل انقطع
إلعن الوسواس وابليس اللعين
كم غريرن غرّه ابليس وقنع
عامل العالم بشرع المسلمين
واحفظ اسلوم والعرب والمجتمع
فـالـولايـم لا تـزيد اللـقـمتين
خلها لهل الشفاحه والطمع
واعلم ان البخْل عادا الغانمين
والكريم امعان و الممسك وقع
وافضل الاموال من كسب اليدين
والنّبي داوود كسبه ما صنع
معْ كبار السن خلك يا فطين
مستمع لو كان جيلك ماسمع
اللحى البيضا دليل الضايعين
في دجا الداجن كما بدرن طلع
والبشر فيهم صدوق و كاذبين
صادق الصادق وكبّ المصطنع
والخوي والضيف والجار القِرين
من رعاهم بان نجمه وارتفع
واستر اوجاعك ولو زاد الونين
الخسيس ان شافها فيها رثع
عادته يفرح على وجه الحزين
ومن لحوم الناس لايمكن شبع
من ابو العاتاهيه قافن سمين
أبدعه وابدعت من بعده بدع
قلتها لك بعْد جيت الاربعين
يابِخيت العمر عودن وانقشع
عشت فيها يوم زين ويوم شين
ليت شعري عمري الفاني رجع
BoBaKeeT@
أضف تعليق