شعراء سبر

فاسد وخوّان

ياطير يامدْهوش الالحان
                       ذكرتني شيٍ طرالي

ذكرتني في كاينن كان
            في مجلس اصحاب المعالي

يوم انفقد هدهد سليمان
                  قال الملك وين الرجالي؟

والقوم والمارد مع الجان
                  ما جاوبوا ردّ السوالي! 

طيرن حكيم وفيه جنحان
                   ماله حدود ولا مجالي!

أثره تعلّا فوق الاوطان
                   إمناحرن برد الشمالي

إلْ ديرتن بطره وبطران
                 أصحابها حمْر العيالي

لين استوى في قصْر الاحضان
                   ما هو لبلقيس الدلالي  

قصْرن لِـمتعوسن له ازمان
                ناوي على عقد الحبالي

معْ خاينن فاسد وسجّان
                 خايب رجا ماهو موالي

يبْغونها والشّرّ عنوان   
                تخْرب على شان الملالي   

والمال والسّلطه حليفان
               ضدّ الشّعب والشّكّ زالي

لو يحلفون اغلاظ الايمان
                 تصديقهم شيٍ خيالي!

إلْيا اجتمع فاسد وخوّان
            أمن الشعب يصبح محالي

والطير يرصد ما بالامكان
                 أخبارهم والجو خالي!

بالصوت والصوره والالوان
               سجّل لهم سود الفعالي!

جاب الشريط وكان طربان
           مير المـلك … يا لالي لالي 🙂 

قال الحقيقه انت غلطان!
                واخبارك اليومه هزالي!  

والطير قالو راح زعلان
                  لامن هروج ولا يخالي!

ماكلّ طيرن طير حوران
                  ولا كلّ ما يعرف يقالي!

ياعنْك جيب اعمير مليان
             واللي يشق الجيب جالي!

إعمير لو لفّنّه اكفان
                    أخبار جيبه لا تزالي!

مير الخبر يمّم كحيلان
                  مطنوخ راس ولا يبالي

ما يتّقي .. والراس لا بان 
                 تندس روس القوم تالي

حرّن عزيز النفس والشان
                 لشّعْب يِرخص كلّّ غالي

فيه احتزمنا يوم الاكوان
                 ماقد خذل شعبه ومالي 

واليوم حنا حول شامان
                  نرقى معه كلّ الطوالي

واللي يقول العاب ورعان
               ياليت ابوه العام سالي!   

ما فيه نارن دون دخان
             واليوم صار الضوّ صالي

ملعون من يصمت وينهان
                لو كان بن عمي وخالي

ياطير ماخضنا على شان
                  نقبض دنانير وريالي

خضنا بعد مازاد بهتان
                    أهل الموازين الثقالي

اللي تطفّـف كلّ ميزان
               واشهد لهم فيما مضالي

حنا برجوا ربّ رحمن
                    ينـقذ بلدنا والحلالي

بوبخيت
                                @BoBaKeeT