شعراء سبر

لاهنت يا مسلم


يا طير ياللي في تويتر لك أعراف  
                       فـ مسلّم البراك تزهى القوافي  
 
كب الرصاص وخطّها في قلم جاف  
                       لا أقدمت ما لديت عيني خلافي   

وإليا مدحت أهل المواقيف بالقاف  
                       ماني بدّور لي على حضن دافي  

من باع نفسه بالدنانير ينعاف 
                       حتى لو إنه ولد عودٍ سنافي

لاهنت يا مسلّم على كل ميقاف
                       وافي وفعلك يا أبيض الوجه وافي

لك موقفٍ وقت الصعيبات ينشاف
                      واللاش فعله بالضحى ما يشافي

يوم إصنعوا ضدّك من الذله أحلاف
                       شلت الكفن وأقدمت ما قلت: كافي

حنا حزامك لا شرد كل خوّاف
                       نقدم على حد القنا والرهافي

والوضع يابو حمود واضح وشفّاف
                       كلٍ درى باللي جرى بالخوافي

على خزينتنا يمونون الأسعاف
                        وعلى الشداديه تمون المطافي

واستاد جابر ما لعب فيه هدّاف
                       حتى لو إنه مثل ميسي وشافي

للمكر في بوّابة الميم والكاف
                      قصه خُرافيه بـ واقع خُرافي

العدل يبغي له موازين وإنصاف
                       والحق ما تسفي عليه السوافي
– ‏الشاعر ويكيليكس