شعراء سبر

الموتر اللي عقب راعيه له حنّه.. ماهوب للبيع عندي لا تسومونه

الموتر اللي عقب راعيه له حنّه
ماهوب للبيع عندي لا تسومونه

خلّوه بالله .. يالسومات خلنّه
في سوقكم ماهقيت انكم تشوفونه

أعوام دلّال بدّل ما قرب منّه
وشلون ابيعه ونا مفتون بعيونه

‏أغليه من حبّ عودن جعله الجنّة
كنّه معي يوم اديور في دركسونه

لامن ذكرناه جاوبني على الونّه
آون واسمع ونينه تحْت طبلونه

يشكي من الشوق والفرقا تبلنّه
اوحيه والناس ما ظنّيت يوحونه

كم مرّتن قال لي غنّ اللحن غنّه
علّه يداوي كبودن فيه مطعونه

وارد عراوي وعندي ما يساونّه
البنز والجيب واللكسز ترا دونه

يا جعلهن كلّهن فالسوق يفْدنّه
واللي وصل في حفيزه جعْل يفدونه

بارد غماره وحنّا في سنا الكنّه
يشْعب ولا يشتكي صخْنه ولا مونه

ويوم ايتخثّع على دبّايته كنّه
كرفاجة الورْع يوم اهله يكزونه

حبّه سكن في فوادي وان كبر سنّه
عشقي وبعض المحبّه قيل مجنونه

هو كيف اخليه لسّومات يشرنّه
ثمْ عقْبها ياخذونه ناس ياذونه

ما ظنّتي لو رضيت البيع يرضنّه
قلبي وعيني …حرامن ما يبيعونه

بوبخيت

Copy link