والله ياجماعة الخير مادري من وين أبدي ؟.. لانى قمت أسمع مسميات غريبة من البنات والعيال عندي بالبيت مادري وش تطلع ؟.. قالها الشايب وأنا كلى رجاء منكم أنكم تطوفونها هالمرة لا تصير ممسك على !.
الخبير : قول يا حج ماتتكسفش دحنا بدور ولادك !.
المعاق : من أولها قصفت جبهته ياخبير !.
الرجل : تكلم ياحجي أنا أسمعك ما عليك من صواريخهم القاصفه .
الشايب : بارك الله فيك والله يا احبائي أسمعهم دايم يرددون اسماء ناس من حريم ورجال يشوفونهم بتلفوناتهم وقبل الاسم ينطقون مسمى اول مره اسمع فيه بحياتي أوله فشن وآخرته فستا مادري وش يطّلع ؟.. حللته بنفسي وقلت يمكن يقصدون فستق بس ما طلع فستق أو يمكن فشت خلق !.
الشاب : آيه عرفته يتكلمون عن الفشنستات ياحجي !.. هذا الشخص راعي الموضه وعلى ما أعتقد الخبير أوكد بحكم خبرته واطلاعه .
الخبير : بتقصد ياحج فاشونيستا دي كلمه إسبانية أصلها من fashion فاشن والفاشن يعنى أزياء والمقصود به الشخص الذي يرتدي ثياب حسب صرعات الموضة الأشهر أو من يتبع إتجاهات صيحات الأزياء .. وبشكل عام هو الشخص اللي يحب الموضه ويمشي عليها و يرتب لبسه بنفسه بالعربي ما يقلدش حد .
المعاق : ظاهرة الفاشينيستا يا جماعة الخير هي ظاهرة يعيشها المجتمع الكويتي اليوم بكثرة بعد طفرت الهواتف المحمولة ودخول أفراد المجتمع بسهولة عالم الانستنغرام والسناب شات والله يستر من تاليها !.
الشايب : وعلى منهو اعتمادهم أهل الموضه الجديدة بدنينا العجيبة ؟.
الخبير : الاعتماد الكلى على الفلورز ومدى إعجابهم بالفاشنيستا سواء كان واحد او وحده وياعيني آن كانت وحده على سنقت عشره يا لهوووي عليها وَيَا خرابي عليها ان كانت ذات قوام أو شكل جميل !.. آه وكمان أهين ياحج لو تسمع دلعها وهي تسبسب شعرها الأسود الفاحم !.. يا خواتي عليها وهي تتكلم وتتسوق من مختلف الماركات وتأكل من مطاعم ومقاهي فارهة وحاجات كثيره اوي اوي اوي .. والحقيقه ياحج مش الكل من الفشنستات كلهم على المنوال ده لان البعض منهم محترم جدا والظلم مش حلو .
الرجل : يعني التأثير قبل كل شي عاطفي واعجاب وانبهار وفتحت حلق بجمال أم الفاشنستا ؟!.
الشاب : نعم وياليت تبعدون أمها عن الموضوع .. وأعيد وأكرر البعض مو الكل وهالظاهرة للأسف لها اثار سلبية منها مجتمعنا راح يكون مهتم بالمظاهر الكذابه البراقه .. هذا غير استفادة الشركات والأسواق على حساب جيب المواطن اللي ماهو ناقص .
الخبير : أضف إلى ذلك وكمان تعطيل التفكير العقلاني والمنطقي للمراهقين المتدهولين .. ومن الممكن الموضوع يكبر ويتم تقليد شخصية الفاشنستا المحبة للتمرد على المجتمع وأرجع وأقول البعض مش الكل اعتمادهم على موضوع جمال الشكل ولفة القوام .. وطبيعي الواحد حيستفيد من الدعايات والفلوس اللي تتصرف بهبل وكله يدلع نفسه يابا .. وأنا من موقعي هذا لو جانى عرض مش هرفضه الوصفة دي سهله هزت وسط واعوجاج باللسان وانت تهبر هبر من فلوس بعض الكوايته اللي ماعندهمش عقل .
الشايب : الوضع خطير يالربع واللي فهمته من كلامكم ان كل من هب ودب الناس تتابعه وتسمع كلامه .. الأمر اللي خلى بعض الشركات تستغل جنون الفلورز باللي يتابعونه .. باختصار هبل مجتمعنا هو اللي صنع هالظاهرة يعني لو فيه وعي ما صار اللي صار وصدقوا يوم قالو الاولين الجاهل عدو نفسه والعاقل خصيم نفسه .. وبالختام أوجه رسالة لشبابنا من الجنسين ارحمونا وارحموا انفسكم من العادات الدخيلة على مجتمعنا يا أمة الإسلام .
المتمولس : خوذوا هالمتمولستا يقولك مرة حمار يقول لحمارة يا ترى تحبينى لشخصى ولا عشان هندى عربية ؟.. وفي هذه الأثناء رفع الشيخ زغلول على مسامعنا اذان الظهر .
أضف تعليق