آراؤهم

“اللي يدري يدري واللي مايدري مايدري”

“الله لا يغير علينا لا لا  هالمناسبة يبيلها يباب يطيح طوفة الديوانية” قالها الشايب ثم اضاف “قرت عينكم ياجماعة مبروك هالزيادة كل عام وانتم والكويت بخير… اشعليكم  %25 على الراتب الأساسي للموظفين .. و%12.5 في المئة للمتقاعدين , وحتى انت يالخبير مانسوك عطوك انت وربعك الوافدين 50 ديناراً للموظف .
الخبير: “لول… الله يبارك فيكي يمو نياظي عقبال ولادك” ! هههه معليش ياحج انا أسف اصلي اندمجت مع الزغروطة من فرحتي ! الزيادة مجزية بس واللا اقولك لا داعي للتفكير واضاعة الوقت فمهما قدحت زناد.
فكرك ومهما اطلت التفكير احنا هندبح من غير محد يسمي علينا من بتوع الشقق اللي ساكنينها … والخمسين تعمل ايه قصاد المصاريف المفروضة علينا من تأمين صحي ومدارس واقامات واجازات وزيادة اسعار ومع ذلك برضه بقول الحمدلله علي نعمة الصحة والعافية والدين قبل ذلك ..وقبل ما اختم عندي سؤال بريء لكل ضمير حي: هل الخمسين مجزية للوافد” 
قال المعاق : “ههههه ان كان الوافد يقول هالكلام وش اقول انا ياللي وظيفتي مدنية وراتبي الاساسي طفسه (…) بالله وش اسوي انا بالزيادة اللي خابينا عليها ومدوخينا بانها مجزية عندكم خبر كم راح استلم ? اقولكم انا نصيبي 42.5 دينار يعني اقل من الوافد .. بمعنى ان المستشارين اللي سهروا بالدراسة انصفوا الوافدين وما انصفوا بعض الكويتيين والله مشكل !
قال الشاب : “وين العدالة انا ادرس طول عمري وحملت اهلي مصاريف فوق طاقتهم للدروس الخصوصية… وكل اسبوع طاق شلايلي للبحرين ادرس بجامعتها واخرتها سبعين ديناراً والله عيب .. انا لو ادري ان الامور تصير جذي جان دخلت مع ولد خالي هالسربوتي اللي ماعنده شهادة ولا دوخة راس للجيش وقبضت مبلغ وقدره اللهم لاحسد . 
قال الرجل : “لله الحمد والمنة وجزاهم الله خيرا على مسعاهم .. وبهذي المناسبة اتقدم بالنيابة عنكم بالشكر الى مجلس الخدمة المدنية والقائمين عليها لرفعهم المعاناة عن المواطنين والمقيمين .. وابوس ايدي وجه وظهر ان انا عسكري مو مدني واللا جان صارت حياتي اعلوم… صج انكم شعب مايشبع اشكروا ربكم اعوذ بالله شهالحسد”.
قال الشايب : “ياجماعة وكلوا الله واعلموا من ترك شي لله عوضه الله خيرا منه وكل واحد منا ياخذ رزقه اللي كتبه الله له والله, يفرجها ويسهلها على الجميع وقولوا الحمد لله”.
قال المتمولس : “تزوج اعمى امرأة  فَقالت  بليلة رومانسيه حالمة :والله لو رأيت بياضي وحسني لعجبت ! فقال لو كنت كما تقولين لما تركك المبصرون لي… وعند ضحك الجميع رفع على مسامعنا الشيخ زعلول اذان الظهر”.”.
bojwees1@hotmail.com
Copy link