لم يبق من تسلسل الأحداث إلا المشهد الأخير!!
يقف أحدهم على المنصة ويقرع جرس يحمله في يده ليسترعي به انتباه الحاضرين ويرفع صوته قائلا..
(بلد للبيع من يفتح الباب من يفتح الباب) ويردد الجمله الشهيرة ” كم أقول.. كم أقول” بلد صغير عدد شعبة قليل وخيره كثير من يفتح بابه الله يفتح له باب الجنه..
بلد مبروك ولو كان بتروله رخيص في هذه الأيام لكنه سيرتفع في الأيام المقبله كلكم يعلم أنه سيرتفع أغتنم الفرصة لا تفوتك أشتر رخيص وبيع غالي!! ..
قرب قرب ياولد قرب بلد شعبه طيب وصبور ويتحمل البرد والحر !! قرب ياولد قرب …
البيع على البلد بالجمله البر وما عليه والبحر وما فيه ومن يرسي عليه المزاد سيأخذ الشعب فوق البيعه قرب ياولد قرب..
كم أقول ..أرض طيبه و شعب طيب …تبي معارضه موجود تبي انبطاحي موجود تبي كافر ” يصك ” على أبوجهل أيضا موجود تبي ملتزم تبي متشدد كله موجود قرب ياولد قرب…
وتتم البيعه ويسدل الستار!!!.
ختاما:
سيتمنى كل من صوت لهم في تلك الليلة السوداء أنه صوت عليهم!!!.
أضف تعليق