صاحبي ما دام الأفكار عصّاية وزن
لا متى نخطب من الشعر شعرٍ ما نبيه
دام هذا الليل نوّاح.. وعيونك جزن
والسهر واحد ولا له شريك ولا شبيه
قم معي مادام الأشواق بالقلب جهزن
واتق الله دامني رمش عينك متقيه
ماعرفت انبل من الدمع في ساعة حزن
ولا عرفت أجمل من الحزن في بعض الوجيه
والجروح اللي على القلب مرّن وركزن
سمّح الله درب طعّانها.. والله عليه
واحدن خلّى عروقي سحايب من مزن
وكل عشبٍ بلل الروح ينبت من يدية
كل ماجنن جنوني لقيته متزن
وكل مايهديني العقل.. جنن والديه
حابسٍ فتنة.. والأقمار خازنها خزن
في قميصٍ ضاق فيه الحيا واصبح نزيه
حاولت به الف نجمة ونجمة وعجزن
ضيّهن يشبه لكلمة ربت في شفتية
عايض الظفيري
أضف تعليق