يا ذيب .. وايــــــل ثلاثين مكنـــــون
حطت على الروح تسعين عله
مليون طاري يجي عقب ملــــــــيون
كل(ن) على غير مذهب ومله
وش هو بقا ما بقــالي ولا لــــــــون
واللي غدا .. وش بقالي محله
مـرّه و مــرّه مشاريه .. واظنــــــون
وعلم(ن) ليا جاك ما جاك كله
من يبحث السر لا صار مدفـــــــــون
ومن يعذر القلب لا غاب خله
ادري .. بها .. لو غدا الصدر مطعــــون
و ادري .. بها .. قبل دمع(ن) تهله
ما بين نظرات عاقل .. و مجنــــــون
باب المعزه .. و باب المذله
يمديك .. وان ما نعت ..منت ملــــعون
حيل الله اقوى .. ودربك تدله
قبلي على الارض .. سبعين مديون
و قبلي من الناس .. من راح ظله
في رسمهم.. قسمي وحلم مسجون
ما غاب لو كــــان فكـري يجـلـــه
ركّبته .. العـــــــمر واصبحت مرهــــون
بيني … و بينه .. محال(ن) يتله
جيته … وفا .. قبل ما كون مفتـــــــون
و لا جاني .. إلّا بسيف(ن) يسله
بندر المنصوري
أضف تعليق