التقاطات: نلتقط المبدعين من أعماق الشعر، نحاول استخراج اللؤلؤ.. شاب كتب ليغرد داخل أسوار الشعر.. الشاعر الخلوق (فيصل محمد خضير)..
ونص خطير:
بانت مـلامــح عنــاي / بـ وجهــي المســـتعار
لين الحمل صار متني.. من يشيل الكتوف؟
و اتجرهــد الليــل بـ عيـوني و زاد احتـــضار
أفراحي اللـــي تبروزها،، عيــون الشغـــوف
و أنا / و حبــري / و ترنيــمة ألــم و انكسار
ياما سهـــــرنا نعــانــق كـــل غيـــمة ( بـ خــوف )
يا صاحبي والجـــروح اللــي بـ صــدري كثار
و ما تنــزف إلا: ليــا جــارت عليــها الحـروف
مليت منّي، و مــن ترديـــد،، ويـن المسار؟
و مليت أحــس أنّــي أكثـــر شخص، مـل الـوقـوف!
الحلــم ( لوحــة ) يشـوّهـا غياب الاطار
و الهم / لحن على أوتار الضلوع، إمعزوف
رح و اسأل الدمع وش معنى: (سقوط الكبار)
و رح و اسأل القلب وش معنى: ( تخون الضروف )
أوّآآآه،، يا حزنــي اللـــي بالمعــاليــق / ثار
طالبـــك… حس بـ معانــاتــي شــويّه و روف
أنا الغريـب / الكئـيب / اللـي بـه الوقـــت حار
صغيــر سن،، و طمــوحــاتي تفـــوق الوصـــوف
تايه وأدور على سيف الأماني قرار
أنزف وقدام عيني / كل قرحه تطوف
والترفه اللـــي لهــا بعيون بوحي،، وقار
من سوم ماشمسها مدت يدين الكسوف
قالت: و حــان المفــارق / و الفــراق انتحار
و راحــت، و خلـّــت هــدايــاها / تهـــز الرفــوف
وقعدت أنادي / و في صدري من الضيق نار
ياليتنــي قبــل أشوفـــك راحلــة ماأشوف
تويتر: Fesal_m_k@
أضف تعليق