كالمطر يأتي: مشاري الشليمي.. شاعر مميز جداً, و إحساسه الطاغي يشار له بالبنان.. هو من الشعراء الذين يكتبون الشعر/ ويحترمونه / ويقدرونه و يقدسونه, الشليمي.. هنا .. ومساحات شاسعة من الجمال والعشب:
وين راح الفرح يا سيد الإحساس..!
غابت الشمس و إلا الليل توّه..
يوم أخذت الغلا من بين هـ الناس..
ما شكينا علوّه من دنوّه..
يا دفا العمر لو حسيت بـ الياس..
اعذر اللي تساقط من علوّه..
ليه تذبل عيونٍ كانن نعاس..!
حزنك العذب ليه تشب ضوّه..!
لو تخون المحبة..قول لا باس..
طبع الأحلام ما فيها مروّه..
لا تصير بشعورك حيل حساس..!
صبّر إحساسك و راعه و قَـوّه..
أنت ساكن خفوقك ألف وسواس..
خل بينك و بين الضحك خوّه..
جيت لي و أنت متضايق و محتاس..
ليه جو الحزن يغشاك جوّه..؟
كل ما يكتبك حبري بقرطاس..
شفت كن القلم ذاب بـ حنوّه..
محتفي فيك قلبي بين الأقواس..
يا سموٍ يخجّلني سموّه..
إبتسم , خل يرحل كل هوجاس..
ما انخلق خاطرك لجل يتأوّه..
أضف تعليق