شعراء سبر

يا مرحبا سلمان

جيّت  أخو  نوره  تفرّح  بلادي

عند الأمير اللي مامثله قيادي

صباح أخو مريم أمير التواضع

نوماس  هالعالم  بوقت الهدادي

اللي  يحل  المعظلات  الكبيره

بالطيب ولا بالغصب والعنادي

صباحنا  ربي  يدبّل  حياتك

وبالك من الأحزان ياشيخ هادي

يـ أعظم سياسي مزبن اللي تضايق

مزبن  دول  كلن  بفعلك  اشادي

أبيض  وجه يومن  بعض  الأوادم

أوجيهها  مليانتن  بالسوادي

يامرحبا  سلمان  نوّرت  دارك

ياجاعلن  نار  المعادي  رمادي

يامرحبا سلمان والشعر فيني

يهديك يافخر الخليج الجدادي

يابو  فهد  والله  والله  نحبّك

وكلن يقول أنته ترا في فؤادي

حبّن مهو عابر ولاهو تصنّع

لاوالله  عاش  فينا  وسادي

ياللي ليا منّك مشيت بطريقك

تفرّق العدوات مثل الجرادي

 واللي  يحسبنّه  يناطح  سموّك

أنا أشهد أنه ياأبيض الوجه غادي

تكويه  نيران  الصمايل  ويرجع

يبغي بعد نار الهجاد البرادي

مايدري  إنا  كلنا  نفتديكم

للسلم سلم وللأعادي أعادي

معكم  على  أيّات  شيّن  تبونه

مـا نْمدْ  للي  ماتبون  الأيادي

سلمان ياللي لابغيت الصعيبه

شفنا بفعلك للصعيبه حصادي

وأنا أشهد ان بطشك وهيبة سموّك

سيفن يقص أهل الفتن والفسادي

مرادك  اللي  ماتبيه  وتحبّه

ومال الخصيم بقدح راسك مرادي

وأن جدّت يامقدام كل العروبه

أنته بوادي وكل هالناس وادي

ولو كان عادي يومك اللي تجينا

يصير من طلّت سموّك عيادي

أبفزعتك ماانته حيادي معانا

وصباحنا معكم ولاهو حيادي

سوا سوا معكم بحلوه ومرّه

من قبل ما يزعج علينا المنادي

بالطيب حَبّك شعبك اللي تحبّه

يوم ان غيرك يعشق الاضطهادي

أشعوبكم بالطيب سنه وشيعه

تحبّكم مع الحضر والبوادي

ياسورنا يامجدنا ياسندنا

حنا شعوبن عن بلدنا نفادي

منكم تعلمنا العفو والتسامح

ومنكم تعلمنا ندوس الشدادي

وان كان يمنى من تربصّ تنيشن

من قبل نيشانه ندوس الزنادي

منهو معانا يبشر بخير معنا

ومـ نهادي اللي مابراسه يهادي

كساد  للي  مايوقّف  معانا

واللي معانا مايجيه الكسادي

يشيوخنا يضماد منهو تكسّر

ومن تكسرونه مالقاله ضمادي

المملكه  وكويتنا  شعب  واحد

بـ أرواحنا وأموالنا والعتادي

صحيح كل دوله لنا مستقلّه

لكن  ترا  بقلوبنا  أتحادي

يالساهرين ألراحت الشعب حنا

بأمن وأمان وخيرنا بزديادي

نشوف  قائدنا  كأنّه  أبونا

قلبه من الرحمه يفت الجمادي

وغيره على شعبه ولافيه رحمه

شعبه من الضيقات حاديه حادي

الشعب متشرّد وجايع وضايع

ياجعل عينه مايجيها رقادي

القتل للي يبغي الحق عنده

من قبل ينطق يعلنون الحدادي

نحمدك ياربن كريمن علينا

على شيوخن رحمتن للعبادي

حكامنا  ياجعلكم  في  سعاده

وأرواحنا  لجلك  فدا  يابلادي

أضف تعليق

أضغط هنا لإضافة تعليق

لن يتم نشر عنوان بريدك الإلكتروني. الحقول الإلزامية مشار إليها بـ *