سبر القوافي

ما هو بشرط أعجب جميع الناس … أنا ما كل الناس تعجبني

لن تمر هذه القصيدة مرور الكرام على ذائقة متذوقين الشعر الجميل ..  هنا ناصر كما عهدنا ..  شاعر خطير جداً .. لا يكتب الشعر .. ألا لكي ينال أكبر درجه من متابعة والاحتفاء ..  

ناصر ..  طيراً  شعرياُ نادراً  …   

حلق هنا .. 

ولكنه مازال يحلق في سماء الإبداع  

الحبـر يـرفـع قيـمـة القـرطـاس

فــي عـيـن قاريـنـي وكاتـبـنـي

ما رحـت لديـار الشعـر عسـاس 

رحت .؟ وجناب الشعـر طالبنـي

ووقفـت ادوّر لـي علـى مجـلاس

وجيـت المكـان الـلـي يناسبـنـي

طـلاقـة يـديـن وطـنـاخـة راس 

صـوب السمـا والنـور تجذبـنـي

لي وجـه حـق ووقفتـي نومـاس

لـيــه الامـانــي مـــا تقـرّبـنـي

جميـع غلطاتـي مـن الاحـسـاس

والـلـي يعاتـبـنـي .. يعاتـبـنـي

ماهوب شرط اعجب جميع الناس

انـا . مـا كـل الـنـاس تعجبـنـي

قناعتـي حـاجـه بــدون قـيـاس

مـع كـل موقـف لــي تجرّبـنـي

يالله زدنــي قــو عــزم وبــاس

ولامن خذتنـي دنيتـي .. جبنـي

فـا الليـل ادوّر للعـيـون نـعـاس

والصـبـح ياكـلـنـي ويشـربـنـي

معظم طموحاتي نصيـب اليـاس

ليـه اهـدم فـي واقـعـي وأبـنـي

بقـى لهـا شهقـه ولفـظ انـفـاس 

ومــا عــاد تغريـنـي وتندبـنـي

لا صرت في ظلمى وانـا نبـراس

حتـى التعـب مـا عــاد يتعبـنـي

ما للعـذر عـن كـل غايـه سـاس

الـوقـت عــن دنـيـاي غـرّبـنـي

ناصر مناحي 

Copy link