سبر القوافي

عندما .. تتكلم الصور

انضم الشاب النشيط  صالح ندا العنزي الى أسرة “ القوافي” ليقدم لنا أسبوعياً مادة دسمة من النوع الفاخر، تروي عطش القراء والمتابعين.

والزميل ندا قام قبل أيام بعرض صوره في قروب ( التقاطات .. حكاية شعر) 25ECAD22  وقام العديد من الشعراء والشاعرات بالتعبير عن الصورة  بأفكارهم.. و بــ التقاطات أفكار أخرى.

مساحة جديدة لــ ندا بأفكار جديده وطاقة شبابية..  ستصافحكم أسبوعياً:

 

يازماني ماعلى دمعك ملام 

هلني عبرات ف الدرب الطويل 

ماتشتتنا سوى حروف الكلام 

وماتجمعنا سوى لجل الرحيل

خالد الشمري

عَانيت من جَرح الزمَن والقساوَة 

وذقت المُواجع والحِزن والكَئآب 

كل طّفل غَيري يشتِهي لَلحَلاوه

وأنا اشتِهي غَيم الفَرح وانسِكَاب

عذبه

للفقــارى مــايوقـــف أي قطـــــــار 

(سكة البــــرد) بنهــايتهــــا قــــــبر

أركبي عزمك (بدون ) أي انكسار

تكتب رجولك قصـــايد مـــــــن تبر

الهذال

اللي على سكة الغربه تعب كتفه

قدام طفله يشيله شال حرمانه  

حتى وهو حي فالدنيا لقى حتفه

مدام حضن الوطن في دنيته خانه

عبدالعزيز بن سويط

عُزّل ، خطاوينا على الذل سارت 

ذل الزمان اللي فصوله شحيحه! 

و الطفله اللي في يديني توارت 

مابي تشوف بـ أول الدرب طيحه!

سلمان البلوي

أشيل همي لي ضنا والمسافات.:

من طولها ماعاد فيني أحاول !

أكذب علي وأقول ليت المسا / فات.

ماكان حزني كل ليل إيتطاول

حنان العجمي

كل السكك والشوارع ، حزن مملوءة 

وكل الخطـاوي قهر ، تبغي براءتها 

لاصارت صدورنا ، بالضيق موبوءة

صرنا هوامش لقا ، صعبة قراءتها

عبدالله الأسمري

 

تطاردنا الظروف ونرتحلْ عطشى بدون أوطان .. 

تقول الأرض هذي مابها أي شبر .. يآوينا ..! 

بشر ما لطّخ يدينا الغدر .. وبلا سبب نندان..! 

قدر .. مدري بخت .. مدري طغى.. تُقتل أمانينا..

عزيز الدهمشي


صالح ندا 

 elte8a6at@hotmail.com

أضف تعليق

أضغط هنا لإضافة تعليق