الشاعر ويكيليكس:
الليلـة الليلـة علـى حـد الرصـيـف
تشـره جميـع اصغارهـا واكبارهـا
يقطعكّ يا فصل الشتا بعد الخريف
فيك الخلوج اتحن فـوق احوارهـا
الرصيف:
الليلـة الليـلـة عـلـى حــد الرهـيـف
مـا هـو بحـد اللـي تسـن اشفـارهـا
ذي طايرتنا / والمضيفة والمضيف
مـا تلتـفـت يــا كــود فــي طيـارهـا
الشاعر ويكيليكس:
فسـويـسـرا قـــدام نــافــورة جـنـيــف
تـنــداس يـالـبــلاّس مــــن زوارهــــا
وابديرتي تضرب من الضيفان ضيف
أنشـهـد إنــك مــا ضبـطـت اعـيـارهـا
الرصيف:
فـسويسرا ناكل مع الجبن الرغيف
وما نشرب إلا مـن ميـاه امطارهـا
وابديرتك ناكل هوا في كـل صيـف
إشــره عـلـى لاهوبـهـا واغبـارهـا
الشاعر ويكيليكس:
مــا تنـطـح إلا كــل رجّــالٍ شـريــف
والقـوم فــي درعــا تـعـن امهـارهـا
لا يا رصيف الشام منت ابْـلِي حليف
وشلون ما عاوّنـت جيـش أحرارهـا
الرصيف:
يا ليتني موجود في حرب الصريف
كـان العـرب مـا عـاد تطلـب ثارهـا
انـا ولـيـف الظـلـم والظـالـم ولـيـف
واحـمـي نجاديـهـا عـلــى بـشـارهـا
الشاعر ويكيليكس:
حرب الصريف اللي تمنى يا ظريف
ماهـي كمـا حـرب الرصيـف ونارهـا
لـو يـفـزع النـهّـام فالـوقـت العنـيـف
غنـى طــرب يــا شـارهـا شمشـارهـا
الرصيف:
أنـا اللـوا وانــا المـقـدم والعـريـف
وأنـا المذيـع اللـي يـبـث أخبـارهـا
لا تشكرون البوم في بحر القطيف
“شكـري” وعرفانـي عـلـى “نجـّارهـا”
الشاعر ويكيليكس:
مـا يُصلـح النجـار يـا عبداللطيـف
ما يفسد امْـن الدهر في مسمارها
لو انها ترجع على رمحٍ وسيف
ما تحتمـي طـرش البحـر بحارهـا
الرصيف:
شاب القاف يا ويكي
ملاحظه: جميع الابيات بقلم واعداد الشاعر ويكيليكس
أضف تعليق