اليوم هذا غير عن كل الأيام
تاريخ هذا اليوم بالقلب محفور
يوم(ن) غدرنا جارنا النذل صدام
فثنين أغسطس قبل لايطلع النور
جنا وحنا في سبا نوم وأحلام
كنا نظن النذل ينفع به الشور
وأثره على وضعه لعين(ن) ولو صام
قلبه على لكويت بالغل مفطور
ياشعب أبو سالم ترى وضعنا ألغام
لا نامن البركان في وجهنا يثور
ياجب علينا النظر دوم(ن) لقدام
ونطوف الفرصة على كل مغرور
وشلون ننسى من حكمنا بالإعدام
اللي عبث فبلادنا سبعة شهور
وشلون ننسى دمعة(ن) درع ووسام
دمعة شرف تنزل على خد مقهور
دمعة شجاعه من سطا راس ضرغام
وقف لها العالم تحية ومبهور
جابر أمير قلوبنا نسل الاكرام
ياالله عساه بجنة الخلد مسرور
وسعد ولي العهد يسهر ولا نام
ومن الشجاعة يشتعل تقل دافور
أبو فهد يرهب عدوه ليا قام
يا الله عسى قبره من الوبل ممطور
واليوم حنا في ذرا شيخ مقدام
شيخ(ن) شجاع وبالسياسات دكتور
صباح الاحمد للوطن درع وحزام
صمام أمان الشعب والشعب له سور
ولي عهد كويتنا الحق سطام
نواف الأحمد بالوفاء دوم مشهور
تحترمه الحكام ترفع له أعلام
شهم(ن) شجاع وزايد(ن) نورنا نور
وكلمة شكر بقولها عبر الإعلام
للي وقف للحق وللحق له دور
وختامها صلوا على سيد الأنام
إعداد ماهبت هواء ونبنت دوور
أضف تعليق