اثبتوا يا ارجال في ساحة الارادة
واعلنوا فيها حكومة ننتخبها
في بلدنا الشعب مصدر للسياده
ماهي بعزبة لتجار تحلبهااااا
العمل للدار يا ربعي عبادة
والكويت تنادي ولبوا طلبها
البلد وخذت بتخطيط وريادة
والخزينة كل من جا يغتصبها
كم وزير وكم عضو عنده قيادة
من فعل يمناه دولتنا عطبها
كلنا شفنا تواطؤه وفساااده
العقارب بالبلد هزت ذنبها
ان سكتنا نال مطلبه ومراده
ودارنا لعيالها زايد عتبهااا
من يلوم الرجل يفزع حق بلاده
من عصابة كل سية ترتكبها
ندعس الجاهل ومن ثبت عماده
وشلة الراشي بعون الله نغلبها
شعبنا صامل ويا مقوى عناده
والحقوق تعود من سارق سلبها
الوضع يحتاج له عزم وجلاده
لا تضيع اكويتنا وانتم عصبها
عنقها لفوا حواليه القلاااادة
وبين بلدان العرب علوا رتبها
افرشوا في ساحة العز الوسادة
لو وجيه الشر ياكلها غضبها
وبالاعادة يا رياجيل الافادة
لا تضيع كويتنا وانتم عصبها
وزبدة المعنى وختمته وحصاده
دارنا ماهي لتجار تحلبهاااا
اثبتوا يا ارجال في ساحة الارادة
وان تخاذلنا ترا حنا سببهاااا
أضف تعليق