النهار يكفه الليل والعمر امحدود/
والسنين اتدور والله يكافي شرها
وانت ياللي ماضي بيني وبينك عهود/
العهود اتبوقها والكبود اتحرّها
خنتني والحال في نقص ماحصلت زود/
ويش فايدتك من الحال يوم تضرها ؟
تحسب انك تكسب المدح من كثر الصدود ؟
غرّتك نفسك وبعض الامور اتغرّها
انت فيني تكسب الذنب وعيوني شهود/
مشتكى عيني على الله ،، ولله درها
تشتكي عيني وترقا قدم رجلي سنود /
مثل من دور حلاها وطاح ابمرها
اسألك عن معرفتنا وابيح في السدود/
وانت تلقط طارف السالفه وتفرها
كان مافرّحت عيني وزعلت الحسود /
وفر اعذارك وجر الهزيمه جرها
لاتعذر وانت فيني تجاوزت الحدود /
خنجرك يوم اسهبت ليه رحت اتجرها ؟
لاتذكرني ولاعاد تطري لي وجود /
والدروب اللي تجيبك لاعاد اتمرهار
@Nasser_thwini
أضف تعليق