في ذمتك يا مجلس الخزي والعار
راشي وقبيض وخبل وإنبطاحي
يا ستار أكاديمي ويا سوبر إستار
زاد إنبطاحك في جميع النواحي
يكفخ وينفخ طيركم بس ما طار
لا ما يطير الديك لو له جناحي
واقف على بابك ثلاثين سمسار
والباب يطرق بالمسا والصباحي
ما يدهلك يا كود سارق وبوار
ولا عميلٍ فوقه البرق لاحي
أنته تبي تجار وأذناب تجار
وإتسير بالجندول عكس الرياحي
وحنا رجال أحرار وإنقدم أحرار
تزرق جناب الطيب زرق الرماحي
همومنا محصوره إبنهضة الدار
نحمل رساله ما حملنا سلاحي
واللي يقول إنا على الدار ثوار
ما شجعه يا كود ياسر وضاحي
وقت الرخا،، صاحين ،، وإن شبّت النار:
نسكر ولا فينا على الذل صاحي
نسكر ظفر وإنذود وإنسوق الأعمار
لو حاول العدوان كبح الجماحي
هذا بلدنا ما سكناه بإيجار
لأن البلد ماهوب مرفق سياحي
لو تنتفض درعا على ذل بشار
حنا إنتفاضتنا تعز الصباحي
أضف تعليق