في ذكرى وفاة الشهيد محمد غزاي الميموني يرثيه الشاعر بو بخيت بقصيدة ، اشتد وقع احرفها على الظلم والظالمين ، يقول:
سر يا قلم واكتب بيوتن منقّاه
نقيتها من حر مافي ضميري
اكتب عن المظلوم وكيف المعاناه
ماهي معاناة المريض وسريري
اكتب عن محمد ترا ما نسيناه
لا ما نسينا كيف مات المطيري
واكتب ولد ميمون يوم الثعل جاه
خلاه مثل البـكْر تـحـت الـبـعيري
واكتب عن الظالم كفوفه محنّاه
بالحـقـد حـنّـاها ودم الاسـيري
واكتب تـولّــوه بــغــدر وا حـلالاه
ياليتها بالكون وضرب الشطيري
واكتب وخل الناس تعرف خفاياه
وشلون خان الناس هاك الوزيري
واكتب عن اليوكن ومن كان يحماه
في دفـتـر التـحقـيق ذنـبـه كـبـيري
واكتب عن اللي عزّه اليوم واطغاه
الظــالم اللـي كــل يـومـن يـغـيري
واكتب عن المجنون لامن ملك جاه
كيـف الجنون يحـل ذبح الـفقـيري
واكتب ملاك الموت يالـيـته اخـطاه
وحول على الظالم هذاك الحقيري
واكتب عسى الله يبتليهم بدنياه
والاخره نارن و بئـس المصيري
واكتب عن امه كيف للوقت ترْجاه
ربّــتْـه فرحــانــه وروّح صـغـيـري
واكتب دموعك يا( غلا ) وجرّت الآه
مرّت عليهم مـثـل شـرب العـصيري
واكتب ترا للشاه يومن وتلقاه
يومن كثير الشر مافيه خيري
واكتب قسـم بـالله والله تـالله
دم المطيري فك بابن خطيري
بو بخيت
أضف تعليق