على مصر….الكنانه بحتزمها
و بـرمي بالسهم من يستلمها
بسم ربّ الغلام امـدّ قوسي
فلا يخطي بعد سمّا سهمها
أبرمي والهدف واضح أمامي
على مـن ثـورة المصري ظلمها
ألـوّل بالهدف مـن خان داره
بعد أقـسم على خدمة علمها
وخان الشعب ثم خان الرياسه
خـيـانـاتـه كـبـيره يـا عِـظـمـها
سلاحه في ظهور الشعب ثاير
بعدها رتبته ….. من يحترمها
وثاني بالهدف شيخ العمايم
قـليل العـلم واتـباعـه نجـمها
نـزع بـيـعـة إمامه في وقاحه
علـيه الـعـمّ تلـعن مـن بـرمـها
خربها ثم قعد في وسط بيته
يلـيـتـه عمّـته مبطي حـشمها
وثالث بالـهدف قـومن لعيـنه
عدات الدين مخبوثن نسمها
عباد الغرب صهيوني هـواها
ولـمريكي على العـلبا وسمها
يعادون الـشريـعه و الـتّـديـن
موالين الصليـبي مع صنمها
و رابـع بالـهـدف مـنـهو تـمـرّد
يشبّ الـنّار و الـفـتـنـه شعـمها
على شان الدراهم والريالي
يبيع الشعب و الثوره قسمها
بـعـد ثـارو مـعـه بـاخر ينـايـر
جحد من مات ماحتى رحمها
وخامس بالهدف أهل العداله
على المـيزان موجودن عدمها
مـن الدستـور ذمّـتهـم بـريّـه
فكم واحد يحرّج في ذممها
قلمهم بالعدل ماجف حبره
وناديّ الـزّنَـد يعبث قلـمها
وسادس بالهدف شرّابة الزيت
من البـتـرول من يروي ظرمها
شرو بالمـال تلـفاز وصحافه
لجل حربن تثوّر في عسمها
ألوفن من ملايين اصرفوها
من الراعه ولاهو من كرمها
يخافـون البراكين العظـيمه
بعد ثورات ناشـتهم حممها
ألا يــا رابـعـه سـتّـة مــرامـي
عساني بالرمي صايب لحمها
كثير اللي على النيشان بيّن
ولكن عفـت من قـلّـة شحمها
ألا يا رابعه صوتن وصلني
مـن المـيدان أطربني نغـمها
سمعت الصوت والمعنى برالي
وغـيري تشـتكي إذنـه صممها
لجلها شلت قوسي والكـنـانه
ونا اللي لعـبة الخـاين فهمها
بو بخيت
BoBaKeeT@
أضف تعليق