أحمد السعدون يا رمز الريـاسه
يازعيم الشعب ياشوق العروسه
هيـبتك والحلم واعلـوم السياسه
كلها جت لك من الله وامحروسه
شوفتك تجلي عن العين العماسه
كنّـها شقرا بمحماس امحـموسه
وكلمتك سيلٍ غطا ارضٍ يباسه
كل عـودٍ عقـبها ينـسى يـبوسه
عقبك المجلس فقد كل الحماسه
ضاع مجلسنا ولابه من يسوسه
مجلس اللمبي تولّـوه البساسه
والخبل هدد يشمّخ من يدوسه
الـقـطـو بـيّـن ولــو غـيّـر لـبـاسـه
ضاعت الطاسه مع القط اللحوسه
الخبل يطبخ بوسط القدْر فاسه
لا مرق حوّش و لكنه يحوسه !!
فوق كرسيّ الرياسه هزّ راسه
لابس المشلح ويا مشين جلوسه
يحـسبن العـلم بأوراق الـدراسة
مادرى انّا ما درسنا من دروسه
مجلسه ساقط ولا نسمع حساسه
والقطو منْـهم عليـنا يحد موسه !!
وينـهم عن جارنا جار التـعاسه
يوم حزبه يعتدي ويشيل هوسه
وعتوي المجلس نسى داره وناسه
لاهيٍ فـالحـاويـه يحـسب فلـوسه
انتو للدستور سببتو انتكاسه
هزةٍ مقياس رختر ما يقـوسه
لكـن الشعب الوفي في قـو بـاسه
اقسم الدستـور يرخص له نفـوسه
الحرارة تـنـفجر عـقـب احتـبـاسه
والشعب يغلي شبابه في حبوسه
يازعيم الشعب دوك العلم وراسه
ما تبا غيـرك تراها العيـطمـوسه
بو بخيت
BoBaKeeT@
أضف تعليق