يـا هـاجـسي والله مـاني بمـسـموح
حبر القلم دمعي على صفحتك ساح
إلحق على صاحبك لاصحت بالنوح
مثـل الأسـير اللي على ظلـمته نـاح
صيـحة أسـير الـظـلم مـا ينـفـعه بـوح
شف كيف راشد فالاسر صاح ماباح
الوضع ياراشد له اسنين مفضوح
ولاني كثـير الهرج للـناس فـضاح
يا حر يابن الحر يا عالي الروح
ياليت مثلك كان له عشرة أرواح
إصبر يابن وايل ولو كنت مجروح
غيرك مـع جرحك تحمل له اجراح
جرحٍ يفـوح الدم من مفتــقه فـوح
وجرحٍ لو الغوري على مفتقه فاح
اللي جرالك يـابطـل سِجل ابلـوح
عـنـد الـذي أرسـل نبـيّـين وألــواح
قصـتك ما تبـغى لها زايد اشـروح
لكن مريض القلب عن قصتك شاح
لا ترتجي من فزعة الناس مصلوح
الطيّب اللي لجل لا تنـسجن صاح
خلك على درب العزيـزين مطروح
لو كان دمع العين من موقها طاح
دايم عزيز النفس بالسوق مربوح
يجني رضا نفسه ويانعم الأرباح
العز يأتي بعـض الأشـناب ويروح
وبعض الشوارب عزها كنه اسلاح
بو بخيت
BoBaKeeT@
أضف تعليق