سبر القوافي

فيني من الإحباط مايخلق لحسادي طموح؟

سيل من الفكر والشعر هنا.. هنا اختصار شعراء كثيرين في شاعر واحد


هنا الشعر بكامل أناقته..


هنا استطاع ان يسلب الالباب قبل الذوائق


هنا نص يجبر الذوائق على الوقوف والتصفيق طويلاً




فيني من الأحباط مايخلق لحسادي طموح؟


ياوقت لاتفرح بي الشامت وأنا ضلعي قوي.. ومساحات شعرية مترامية الإبداع عبر هذا النص


تابعوه :


فيني من الأحباط مايخلق لحسادي طموح؟ 


ياوقت لاتفرح بي الشامت وأنا ضلعي قوي


ماعندي إلا قلب لصحابه وعدوانه نصوح


لو الظروف وحوش مفترسة وللفرقا دوي


ماهي بــ دافع للتفاؤل.. هي بلسم للجروح


اللي بعدها كل لحظات السعادة تنطوي 


الموت يشبة صمت رجلٍ لو يعاني ما يبوح 


أحيان يخلق له من الإبداع دافع معنوي 


والحظ لامن طاح من عيني وأنا صبري شحوح


حتي لو أخاوي جميع الناس ماعندي خوي !


محتاج أفكر في السفينة والبحر من عصر نوح 


والمبتكر وأسرار شخصية طموح الفوضوي 


ومعراج روحٍ من جسد عايش وهو من دون روح 


تسبح بالأفلاك.. وتعوّد في جسدها تنزوي 


ماني بمتوجد على نوح الحمام اللي ينوح


لو كانت همومي سوات الحية اللي تلتوي 


بشب نارٍ في ظلام اليأس للعميان ضوح


يقرب ويقبس من سناها كل شاعر نخبوي 


دخانها لاهب نسناس الهوى عودٍ يفوح


ماكنه إلا شعر بن جدلان جزل ومستوي 


إن جيت يبقى لي أثر لاغبت كنه ظل دوح


ما ظلل الغاوي لو إنه رادع لكل مغوي 


وأنا لو أعمي عين واكحل عين وشبوحي شبوح


الشعر ذنبٍ مايتوبة كل شاعر مهتوي 


محمد بن صويان

Copy link