شعراء سبر

نبي فزعة الطيّب نبي وقفة الرجال

ألقى الشاعر عبدالرحمن الهاملي قصيدة مساء امس في حفل عشاء النواب السابقين فلاح الصواغ وخالد الطاحوس وبدر الداهوم ومسلم البراك ، بحضور أمير قبيلة العوازم الشيخ فلاح بن جامع والقوى السياسية والشبابية والنواب السابقين وأبناء قبيلة العوازم ، حيث خص سبر بالقصيدة التي قال فيها : 
يزيد الكلام وينقص وللفعول أرجال
ليا كبرت القالات ما حسبوا فيها 
قويين عزّم وحيل لو الحمول ثقال
تطيح المصآيب دونها ما تعديها
تحل المشآكل في سهوله وراحة بال
تدوس الخطر وتنزّح اللي يعاديها
ولا تقول بنسوي كلام الرجال أفعال
وإذا قآلت نسوي تراها تسويها
يابو سعود كيف الحال جعلك على أحسن حال
أحييك ووجيه النشآمه أحييها
لفتني مراسيلك ، وحي الله المرسال
ومثلك مراسيله نقوم ونلبيها
أقول الحفل من له يقولون لـ الأبطال
عسى الله يبآرك فـ الدعاوي وراعيها
عوازم سواة السيل والسيل لامن سال
يهد : البيوت الشامخه .. يا مذرّيها
وابن جامع اللي يعدل الحق لامن مال
أميرٍ .. يعد الصادقه .. ما يخفّيها !
على شيخته جينا سرايا بطيب الفال
جموعٍ تدم القاع : هيبة خطاويها !
حصل ما حصل والأمر واضح عليه إشكال
تعالوا نبسطها ونكشف خوافيها
رضينا بتقسيم الدوائر على هالحال
لو أنها تفرق حضرها عن بواديها
وأخذنا لنا مدّه ولا منْهم اللي قال
نبي نعدل النسبه ولازم نسآويها
وهالحين يوم الشعب نوّخ عبيد المال
رجعنا على التقسيمه اللي بدو فيها
بندعمك بـ الدينار ونحاول ونحتال
وكل حاجه نعلمك فيها تسويها
ترا المسأله مبدأ ولاهي بـ لعب عيال 
لنا حقوق لو دار الزمن ما نخليها 
وترا لا سكتنا لا تحسبوننا تمثال 
نمشي بعضها وبعضها ما نمشيها
وترى الوضع مايسمح عناد وغبا وخبال
وترى الدار فيها منكم ما يكفيها !
ترانا نحب الدار فالحل والترحال
فداها العمر من برّها لـ شواطيها
وترى لا تجمعنا رجال ونسا واطفال
نوصّل رسالة للكويت وضواحيها !
على الوقفه اللي منْها نبني الآمال
كرامة وطن لابد نحضر ونحييها
ونرجع كما كنا وتضرب بنا الأمثال
ويعم الفرح فَ كويتنا وب أهاليها
نبي فزعة الطيّب نبي وقفة الرجال 
وبـ إذن الله تعود المياه لـ مجاريها
Copy link